Salis Məmmədov

Salis Məmmədov
Məmmədov Salis Məmmədsani oğlu
Salis Məmmədov, 2007-ci il.
Doğum tarixi	1 iyul 1932(1932-07-01)
Doğum yeri	Nuxa (indiki Şəki), Azərbaycan SSR, ZSFSR, SSRİ
Vəfat tarixi	29 yanvar 2009 (76 yaşında)
Vəfat yeri	Şəki, Azərbaycan
Uşaqları	Vəfa Məmmədova, Aydın Məmmədov
Atası	Məmmədsani Məmmədov
Vətəndaşlıq	SSRİ→ Azərbaycan
Peşəsi	jurnalist
Milliyyəti	azərbaycanlı
İxtisası	jurnalist
Təhsili	S.M.Kirov adına Azərbaycan Dövlət universiteti, jurnalistika fakültəsi (1959–1964)
Mükafatları

Salis Məmmədov (1932–2009) — “Şəkinin səsi” və “İpəkçi” qəzetlərinin həmtəsisçisi və baş redaktoru, Azərbaycan Respublikasının əməkdar jurnalisti.

Haqqında məlumatlar

1 iyul 1932-ci il tarixdə Nuxada (indiki Şəki) anadan olub.

Təhsili

1959 – 1965-ci illərdə S.M.Kirov adına Azərbaycan Dövlət universitetinin jurnalistika fakültəsində qiyabi təhsil alıb.

Əmək fəaliyyəti

1948 – 1951-ci illərdə Nuxa radio məlumatları redaksiyasında məlumatçı,

1952 – 1962-ci illərdə “Nuxa fəhləsi” qəzeti redaksiyasında,

1962 – 1965-ci illərdə isə Nuxa rayonlararası “Lenin bayrağı” qəzetində ədəbi işçi, fotoqraf, şöbə müdiri vəzifələrində çalışıb.

1965-ci ilin aprel ayında Azərbaycan KP Nuxa şəhər partiya komitəsi bürosunun qərarı ilə V.İ.Lenin adına Nuxa İpək Kombinatının çoxtirajlı “İpəkçi” qəzetinə redaktor təyin edilib və 2009-cu ilin yanvar ayına qədər – 44 il, həmin vəzifədə çalışıb.

Digər

1970-ci illərdən Azərbaycan Jurnalistlər İttifaqının orqanı olan “Müxbir” bülleteninin redaksiya heyətinin üzvü olmuşdur.

1993-cü ildə oğlu Aydın Məmmədovla birlikdə “Şəkinin səsi” qəzetini təsis etmiş və vəfatına qədər həmin qəzetin də baş redaktoru olmuşdur.

Təltif və mükafatları

• “Leninin yubiley” medalı (1970);
• “Qızıl Qələm” mükafatı;
• “Azərbaycan Respublikasının əməkdar jurnalisti” fəxri adı (1991);
• “Şərəf Nişanı” ordeni;
• “Tərəqqi” medalı (2005).

Vəfatı

29 yanvar 2009-cu il tarixində – 76 yaşında, uzun sürən xəstəlikdən sonra Şəkidə vəfat edib.

Ədəbiyyat

1. Mete Ə. Şəki qəzetləri və qəzetçiləri // O torpağın övladları. — Bakı: Nurlan, 2006. — Səhifələrin sayı:  608. — Səh.: 376-377. — 500 nüsx.