Vaqif Mustafayev

Vaqif Mustafayev
Mustafayev Vaqif
Vaqif Mustafayev.
Şəxsi məlumatlar
Doğum tarixi	8 yanvar 1952 (1952-01-08)
Doğum yeri	Nuxa (indiki Şəki), Azərbaycan SSR, SSRİ
Musiqi alətləri	tar, saz və gitara
Təhsili	Şəki Musiqi Texnikumu (1971; 1974–1977)

Vaqif Mustafayev — tanınmış musiqiçi-pedaqoq. 10 ildən çox müddət ərzində Şəki şəhər 4 saylı uşaq musiqi məktəbində müəllim işləmişdir.

Haqqında məlumatlar

8 yanvar 1952-ci il tarixdə Nuxada (indiki Şəki) anadan olub.

Hərbi xidmət

1971 – 1973-cü illərdə həqiqi hərbi xidmətdə olub.

Təhsili

Vaqif Mustafayev “İpəkçi” ansamblında gitara çalarkən, 1976-cı il.

1977-ci ildə Şəki Musiqi Texnikumunu bitirib.

Əmək və musiqiçifəaliyyəti

Vaqif Mustafayev Ə.Bakıxanov adına Xalq çalğı ansamblında ud çalarkən.

1974 – 1976-cı illərdə Şəkidə fəaliyyət göstərmiş Şəki ipək kombinatının “İpəkçi” ansamblının yaradılmasında yaxından iştirak edib və onun tərkibində müxtəlif yerlərdə (ipək kombinatı, Marxal, “Səadət” pioner düşərgəsi və s.) təşkil olunmuş bayram şənliklərində, konsertlərdə gitara çalıb.

2001 – 2004-cü illərdə Rusiya Federasiyasının Tümen vilayətində “Şahdag” ansamblında həm tar, həm saz və həm də gitara çalıb.

2004 – 2017-ci illərdə Şəki şəhər 4 saylı uşaq musiqi məktəbində müəllim işləyib.

2017-ci ildən əmək təqaüdündədir. Bununla yanaşı, uşaqlara tar, saz və gitarada özəl dərslər keçir.

Həmçinin, bax:

Elman Mustafayev