Xaqani Məmmədov

Xaqani Məmmədov
Məmmədov Xaqani Nizami oğlu
Xaqani Məmmədov.

Xaqani Məmmədov — Azərbaycan Silahlı Qüvvələrinin polkovnik-leytenantı, Heydər Əliyev adına Hərbi İnstitutun baş müəllimi. Vətən müharibəsi iştirakçısıdır.

Haqqında məlumatlar

18 yanvar 1981-ci il tarixdə Şəkidə anadan olub.

Təhsili

1987 – 1995-ci illərdə Şəki şəhər 10 №-li orta məktəbində,

1995 – 1999-cu illərdə İşıqlar Hərbi Məktəbində (türk.: Işıklar Askeri lisesi) (Bursa, Türkiyə)

1999 – 2004-cü illərdə Quru Qoşunları Hərbi Məktəbində (türk.: Kara Harp Okulu) (Ankara, Türkiyə) təhsil alıb.

Əmək və hərbçi fəaliyyəti

2004 – 2005-ci illərdə Ankaranın (Türkiyə) Polatlı qəsəbəsindəki hərbi hissədə bir il baş leytenant olaraq xidmət edib.

2005-ci ildən Azərbaycan Silahlı Qüvvələrinin zabiti olaraq ön cəbhədə xidmət etməyə başlayıb.

27 sentyabr 2020-ci il tarixdə Vətən müharibəsi başlayarkən mayor rütbəsində olub və müharibədə iştirakçına görə 3 medalla təltif edilib.

2020-ci ildən sonra Heydər Əliyev adına Hərbi İnstitutda hərbi-pedaqoji fəaliyyətlə məşğuldur.

Təltif və mükafatları

• “Hərbi xidmətlərə görə” medalı – (30.12.2020);
• “Zəngilanın azad olunmasına görə” medalı – (24.06.2021).
• “Cəbrayılın azad olunmasına görə” medalı (24.06.2021);

Ailəsi

Ailəlidir, 2 oğlu var.

Ədəbiyyat

1. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Hərbi xidmətlərə görə” medalı ilə təltif edilməsi haqqında : [arx. 09.03.2022] // Azərbaycan Müdafiə Nazirliyi. — 2020. — 30 dekabr. — Müraciət tarixi: 30.08.2022.
2. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Hərbi xidmətlərə görə” medalı ilə təltif edilməsi haqqında : [arx. 17.01.2024] // Azərbaycan Müdafiə Nazirliyi. — 2020. — 30 dekabr. — Müraciət tarixi: 17.01.2024.
3. Azərbaycan Respublikası Prezidentinin Silahlı Qüvvələrin hərbi qulluqçularının “Cəbrayılın azad olunmasına görə” medalı ilə təltif edilməsi haqqında Sərəncamı (azərb.). https://mod.gov.az/. Azərbaycan Müdafiə Nazirliyi (24 İYUN 2021). Arxivləşdirilib (27 iyun 2021).