Zaur Əhmədov

Zaur Əhmədov
Əhmədov Zaur Oktay oğlu
Zaur Əhmədov.
Doğum tarixi	26 avqust 1989 (1989-08-26)
Doğum yeri	Şəki, Azərbaycan SSR, SSRİ
Vətəndaşlığı	SSRİ→ Azərbaycan
Təhsili	Azərbaycan Dövlət Rəssamlıq Akademiyası (bakalavriat, 2006–2011)
facebook səhifəsi

Zaur Əhmədov — Şəki “ABAD” Keramika və Tətbiqi Sənət Mərkəzinin rəssam-keramisti. Divar üzərində dizayn işləri ilə və fərdi şəkildə “ABAD” brendi altında suvenir istehsalı ilə məşğuldur.

Haqqında məlumatlar

26 avqust 1989-cu il tarixdə Şəkidə anadan olub.

Təhsili

1995 – 2006-cı illərdə Şəki şəhər 17 saylı orta məktəbində oxuyub.

2000 – 2005-ci illərdə Şəki Uşaq İncəsənət Məktəbində rəssamlığın sirlərini öyrənib.

2006 – 2011-ci illərdə Azərbaycan Dövlət Rəssamlıq Akademiyasında bakalavr təhsili alıb.

Yaradıcılığı

2011 – 2013-cü illərdə zərgərlik fəaliyyəti ilə məşğul olub, bu istiqamətdə lazımi peşə təcrübəsinə yiyələnib.

2013 – 2015-ci illərdə daş üzərində Şəki rayonunun təbiəti, arxitekturası və tarixi ilə bağlı müxtəlif peyzajlar hazırlayıb.

2015 – 1017-ci illərdə əmək fəaliyyətini Şəki Dövlət Rəsm Qalereyasında bərpaçı-rəssam kimi davam etdirib.

2018-ci ildən Şəki “ABAD” Keramika və Tətbiqi Sənət Mərkəzində əvvəl baş təlimçi işləyib, sonra isə rəssam-keramist kimi fəaliyyət göstərməyə başlayıb.

İctimai fəaliyyəti

Şəki sənətkarlarını və proqressiv gəncliyi bir çətir altında toplama ambisiyasını özündə birləşdirən ArtClub Kafe – Emalatxana konseptinin Asim Abbasovla birgə həmtəsisçisidir.

Digər

Yaradıcılıq fəaliyyəti boyunca ölkə daxilində müxtəlif sərgi və festivallarda iştirak edib.