Səyyad İbrahimov

Səyyad İbrahimov
İbrahimov Səyyad Cabbar oğlu
Səyyad İbrahimov
Doğum tarixi	27 avqust 1936(1936-08-27)
Doğum yeri	Nuxa, Nuxa rayonu, Azərbaycan SSR, ZSFSR, SSRİ
Vəfat tarixi	17 dekabr 2016 (80 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Elmi dərəcəsi	texnika elmləri namizədi
Təhsili	M.Əzizbəyov adına Azərbaycan Sənaye İnstitutu (1954 – 1959)
Mükafatları

Səyyad İbrahimov (1936 – 2016) – neft-qaz yataqlarının işlənməsi üzrə mütəxəssis, texnika elmləri namizədi, Azərbaycan SSR əməkdar mühəndisi; 1994 – 1997-ci illərdə Azərbaycan Respublikası Dövlət Neft Şirkətinin əsaslı tikinti üzrə vitse-prezidenti vəzifəsində çalışıb.

Haqqında məlumatlar

27 avqust 1936-cı il tarixdə Nuxada, ziyalı ailəsində anadan olub.

Təhsili

1944 – 1954-cü illərdə Nuxa şəhər 10 №-li orta məktəbində,

1954 – 1959-cu illərdə M.Əzizbəyov adına Azərbaycan Sənaye İnstitutunda təhsil alıb.

Əmək fəaliyyəti

1959-cu ildə təyinatla “Gürsəngineft” neft mədənləri idarəsinə (Neft Daşları Neft və Qazçıxarma İdarəsi) göndərilib;

1959 – 1972-ci illərdə həmin idarədə çilingər, mexanik, böyük mexanik, neft-qazçıxarma ustası, mədənin böyük mühəndisi, mədən müdirinin müavini vəzifələrində çalışıb.

1972 – 1979-cu illərdə rayon mühəndis-texnoloji xidmətinin rəisi, İstehsal Xidmət Bazasının rəisi, baş mühəndisi,

1979 – 1980-ci illərdə Neft Daşları Neft Qaz Çıxarma İdarəsinin baş mühəndisi,

1980 – 1991-ci illərdə Neft Daşları Neft və Qazçıxarma İdarəsinin,

1992 – 1994-cü illərdə “28 Aprel” (Günəşli yatağı) Neft-Qazçıxarma İdarəsinin rəisi,

1994 – 1997-ci illərdə isə Azərbaycan Respublikası Dövlət Neft Şirkətinin əsaslı tikinti üzrə vitse-prezidenti olub.

1997-ci ildən “Dəniznetqazlayihə” Dövlət Elmi-Tədqiqat Layihə/“Neftqazelmitədqiqatlayihə” İnstitutunda direktorun müşaviri və baş mühəndisin müavini vəzifəsində çalışıb.

Elmi fəaliyyəti

1992-ci ildə “Dəniz neft quyularının istismarındakı mürəkkəbləşmələrin xəbərdarlığı və onlarla mübarizə” mövzusunda namizədlik dissertasiyasını müdafiə edib.

20 elmi məqalənin və 17 ixtiranın müəllifidir.

İxtiralarına görə 9 müəlliflik şəhadətnaməsi alıb.

Təltif və mükafatları

• “Şərəf Nişanı” ordeni.
• Vladimir İliç Leninin anadan olmasının 100 illiyi ilə əlaqədar yubiley medalı (1970).
• Azərbaycan SSR Ali Sovetinin Fəxri fərmanı.
• “SSRİ neft sənayesi əlaçısı” döş nişanı.
• ÜİKT sərgisinin gümüş medalı.
• Vavilov adına qızıl medal.
• “Azərbaycan SSR əməkdar mühəndisi” fəxri adı (1991).
• Azərbaycan Respublikası Prezidentinin fərdi təqaüdü – “Neft Daşları”nın 60 illik yubileyi ilə əlaqədar yatağın işlənilməsində xidmətlərinə görə (2009).

Digər

1991-ci ildə çəkilən “Qara daşların sakinləri” adlı sənədli qısametrajlı filmində məsləhətçi qismində çıxış edib.

“Azərbaycan Neft Təsərrüfatı” jurnalının redaksiya heyətinin üzvü olub.

Şeyx Nurullah Əfəndinin (Qəbri Şəki rayonunun Baş Layısqı kəndindədir) nəslindəndir.

Vəfatı

17 dekabr 2016-cı il tarixdə – 80 yaşında, Bakıda vəfat edib.

Ədəbiyyat

• Məmmədov Ə., Xalıqov F. İbrahimov Səyyad // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 269 – 271. — 1.000 nüsx.