Məmməd Hacıyev

Məmməd Hacıyev
Hacıyev Məmməd (Məhəmməd) Cəbrayıl oğlu
Məmməd Hacıyev.
Anadan olub	8 may 1890(1890-05-08) (26 aprel)
Anadan olduğu yer	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat edib	1955(1955-Şablondakı doğum və ya ölüm tarixində texniki yanlışlıq var!-00) (65)
Vəfat etdiyi yer	Nuxa, Azərbaycan SSR, SSRİ
Vətəndaşlıq	Rusiya İmperiyası→ SSRİ
Mükafatları	Əmək qəhrəmanı

Haqqında məlumatlar

8 may (26 aprel) 1890-cı ildə Nuxada (indiki Şəki) anadan olub.

Təhsili

1903-cü ilin avqustunda Kerç Aleksandr gimnaziyasına daxil olaraq 14 iyun 1911-ci ildə orada 8-illik tam orta təhsili bitirib.

1911 – 1916-cı illərdə Novorossiya Universitetinin (Odessa) tibb fakültəsində təhsil alıb.

Əmək fəaliyyəti

1916 – 1924-cü illərdə əvvəl iki ay Odessadakı poliklinikalardan birində həkim, sonra isə Kerç şəhərindəki xəstəxananın baş həkimi, daha sonra isə Nəriman Nərimanovun dəvəti ilə Bakıya gələrək bir-neçə il Bakıdakı xəstəxanalarda həkim işləyib.

1924 – 1954-cü illərdə Nuxa şəhər xəstəxanasının (bu illərdə xəstəxana əvvəl “Nuxa Xalq Xəstəxanası”, 7 dekabr 1926-cı il tarixdən “Qədirli adına Nuxa Xalq Xəstəxanası”, 1942-ci ildən Mirzə Fətəli Axundov adına Nuxa şəhər xəstəxanası və s. adlanmışdır) baş həkimi olub.

Təltif və mükafatları

• Əmək qəhrəmanı adı (1928—1938-ci illər arasında);
• Azərbaycan SSR əməkdar həkimi (1942);
• orden və medallar.

Vəfatı

1954-cü ildə − 64 yaşında, Nuxada vəfat edib.

Xatirəsi

1968-ci ildə Şəki Mərkəzi Rayon Xəstəxanasına onun adı verilib. Daha sonra Şəki Mərkəzi Rayon Xəstəxanası qarşısında büstü qoyulub və Şəkidəki bir küçəyə də adı verilib.

Ailəsi

• Atası: Cəbrayıl Hacı (Əbdül)cabbar oğlu (1855–?) – 2-ci gildiya tacir (bu rütbəni ona 30 dekabr 1910-cu ildə Kerç Şəhər İdarəsi vermişdir).
• Anası: Tutu Usta Lətif qızı.
• Oğlu: Fevzi Hacıyev – tanınmış cərrah, N.Nərimanov adına Azərbaycan Dövlət Tibb İnstitutunun ümumi cərrahiyyə kafedrasında dosenti.
• Qızı: Faimə Hacıyeva – göz həkimi (uzun müddət Bakı şəhər 4 №-li klinik xəstəxanasında göz xəstəlikləri şöbəsinin müdiri olub).

Ədəbiyyat

1. Mete Ə. Ənənələr yaşayır // O torpağın övladları. — Bakı: Nurlan, 2006. — Səhifələrin sayı:  608. — Səh.: 331 – 333. — 500 nüsx.
2. Məmmədov Ə., Xalıqov F. Hacıyev Məmməd // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 152. — 600 nüsx. — ISBN 5-8066-1708-4.
3. Əsədov Q. (2016). "ŞƏKİNİN SƏHİYYƏ TARİXİ - (II hissə)". www.municipality.shaki.info (azərb.). “Şəki bələdiyyəsi” qəzeti. 3 Nov 2020 tarixində arxivləşdirilib.
4. Mərdanov M.C., Tahirzadə Ə.Ş. HACIYEV Məhəmməd Cəbrayıl oğlu // 1920-ci ilədək ali məktəblərdə oxumuş azərbaycanlılar (ensiklopedik soraq kitabı). — F – İ hərfləri. — Bakı: Təhsil, 2019. — III  cild. — Səh.: 149 – 152.