Məmməd Hacıyev

Məmməd Hacıyev
	Hacıyev Məmməd Cəbrayıl oğlu
	Məmməd Hacıyev.
Doğum tarixi	8 may 1890 (26 aprel)
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	1955 (64 yaşında)
Vəfat yeri	Nuxa, Azərbaycan SSR, SSRİ
Vətəndaşlıq	Rusiya İmperiyası→ SSRİ
Təhsili	Novorossiya Universiteti (Odessa), tibb fakültəsi (1911–1916)
Mükafatları	Əmək qəhrəmanı;

Məmməd Hacıyev (1890–1954) — tanınmış həkim, Əmək qəhrəmanı, Azərbaycan SSR əməkdar həkimi, Nuxa (indiki Şəki) şəhər xəstəxanasının baş həkimi.

Haqqında məlumatlar[redaktə | HTML redaktə]

8 may (26 aprel) 1890-cı il tarixdə Nuxada (indiki Şəki) anadan olub.

Təhsili[redaktə | HTML redaktə]

Məmməd Hacıyev (tələbəlik illərində).

1903 – 1911-ci illərdə Kerç Aleksandr gimnaziyasında,

1911 – 1916-cı illərdə isə Novorossiya Universitetinin (Odessa) tibb fakültəsində təhsil alıb.

Əmək fəaliyyəti[redaktə | HTML redaktə]

1916 – 1926-cı illərdə əvvəl iki ay Odessadakı poliklinikalardan birində həkim, sonra Kerç şəhər xəstəxananın baş həkimi vəzifəsində çalışıb. Daha sonra Nəriman Nərimanovun dəvəti ilə Bakıya gəlib və bir-neçə il Bakıdakı xəstəxanaların birində işləyib.

1926 – 1954-cü illərdə isə Nuxa şəhər xəstəxanasının^[1] baş həkimi olub.

Hərbi rütbəsi[redaktə | HTML redaktə]

SSRİ Silahlı Qüvvələrinin ehtiyatda olan tibb xidməti mayoru idi^[2].

Təltif və mükafatları[redaktə | HTML redaktə]

“Əmək qəhrəmanı adı” (1928–1938-ci illər arasında);
“Azərbaycan SSR əməkdar həkimi” fəxri adı (1942);
orden və medallar.

Vəfatı[redaktə | HTML redaktə]

1954-cü ildə − 64 yaşında, Nuxada (indiki Şəki) vəfat edib.

Xatirəsi[redaktə | HTML redaktə]

Məmməd Hacıyevin büstü, Şəki şəhəri, 2021-ci il.

1968-ci ildə Şəki Mərkəzi Rayon Xəstəxanasına onun adı verilib. Daha sonralar Şəki Mərkəzi Rayon Xəstəxanası qarşısında büstü qoyulub və Şəkidəki bir küçəyə də adı verilib.

Ailəsi[redaktə | HTML redaktə]

Məmməd Hacıyevin doğum şəhadətnaməsi.

Atası: Cəbrayıl Hacı (Əbdül)cabbar oğlu (1855–?) – 2-ci gildiya tacir (bu rütbəni ona 30 dekabr 1910-cu ildə Kerç Şəhər İdarəsi verib).
Anası: Tutu usta Lətif qızı.
Oğlu: Fevzi Hacıyev – tanınmış həkim-endokrinoloq,zob xəstəlikləri üzrə mütəxəssis, N.Nərimanov adına Azərbaycan Dövlət Tibb İnstitutunun ümumi cərrahiyyə kafedrasının dosenti.
Qızları: Faimə Hacıyeva – göz həkimi (uzun müddət Bakı şəhər 4 №-li klinik xəstəxanasında göz xəstəlikləri şöbəsinin müdiri olub), Rəna – müəllim.

İstinadlar və qeydlər[redaktə | HTML redaktə]

↑ Bu illərdə xəstəxana əvvəl “Nuxa Xalq Xəstəxanası”, 7 dekabr 1926-cı il tarixdən “Qədirli adına Nuxa Xalq Xəstəxanası”, 1942-ci ildən Mirzə Fətəli Axundov adına Nuxa şəhər xəstəxanası və s. adlanmışdır (Əsədov Q. (2016). "ŞƏKİNİN SƏHİYYƏ TARİXİ - (II hissə)". www.municipality.shaki.info (azərb.). “Şəki bələdiyyəsi” qəzeti. 3 Nov 2020 tarixində arxivləşdirilib.)
↑ Память народа.

Ədəbiyyat[redaktə | HTML redaktə]

Гаджиев Мамед Джабраилович : [arx. 19.07.2021] : [rus.] // Память народа. — Müraciət tarixi: 19.07.2021.
Mete Ə. Ənənələr yaşayır // O torpağın övladları. — Bakı: Nurlan, 2006. — Səhifələrin sayı: 606. — Səh.: 331-333. — 500 nüsx.
Məmmədov Ə., Xalıqov F. Hacıyev Məmməd // Şəki: Alim və ziyalılar. — Bakı: “Elm”, 2007. — 2 cilddə. — II cild. — Səhifələrin sayı: 428. — Səh.: 152. — 600 nüsx. — ISBN 5-8066-1708-4.
Mərdanov M.C., Tahirzadə Ə.Ş. HACIYEV Məhəmməd Cəbrayıl oğlu // 1920-ci ilədək ali məktəblərdə oxumuş azərbaycanlılar (ensiklopedik soraq kitabı). — F – İ hərfləri. — Bakı: Təhsil, 2019. — III cild. — Səh.: 149 – 152.

[1] Bu illərdə xəstəxana əvvəl “Nuxa Xalq Xəstəxanası”, 7 dekabr 1926-cı il tarixdən “Qədirli adına Nuxa Xalq Xəstəxanası”, 1942-ci ildən Mirzə Fətəli Axundov adına Nuxa şəhər xəstəxanası və s. adlanmışdır (Əsədov Q. (2016). "ŞƏKİNİN SƏHİYYƏ TARİXİ - (II hissə)". www.municipality.shaki.info (azərb.). “Şəki bələdiyyəsi” qəzeti. 3 Nov 2020 tarixində arxivləşdirilib.)

[_0ed972116d9fd5de-2] Память народа.

[1]

[2]