Nailə Bədəlova

Nailə Bədəlova
Bədəlova Nailə Məmməd qızı
Nailə Bədəlova.
Anadan olub	8 mart 1913(1913-03-08)
Anadan olduğu yer	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat edib	27 may 2000 (87 yaşında)
Vəfat etdiyi yer	Bakı, Azərbaycan
Həyat yoldaşı	Salman Lətifov
Uşaqları	Fərid Bədəlov və Sevil Bədəlova
Təhsili	Kinomexaniklər kursu (Bakı, –1939)
Mükafatları

Nailə Bədəlova (1913–2000) — ilk azərbaycanlı qadın kinomexanik.

Haqqında məlumatlar

8 mart 1913-cü il tarixdə Nuxada (indiki Şəki) anadan olub.

Təhsili

1939-cu ildə Bakıda kinomexaniklər kursunu bitirib.

Əmək fəaliyyəti

17 aprel 1939-cu il tarixdən Bakıdakı «Bakkommuna» kinoteatrında təcrübəçi kimi əmək fəaliyyətinə başlayıb və

1 yanvar 1940-cı il tarixdən kinomexanik vəzifəsinə keçirilib.

1941 – 1945-ci illərdə Nuxa şəhərindəki “Yeni yol” kino-teatrında, Zəyzit, Kiş, Göynük kinoqurğularında filimlər nümayiş etdirib.

1945 – 1946-cı illərdə Bakı kinostudiyasında,

1948-ci ildə «Bakı» kinoteatrında,

1949 – 1972-ci illərdə Bakıdakı Nizami adına kinoteatrda kinomexanik işləyib.

Təltif və mükafatları

• Fəxri fərman – əmək nailiyyətlərinə görə (08.03.1958);
• Fəxri fərman – əmək nailiyyətlərinə görə (05.11.1966);
• “Əməkdə fərqlənməyə görə” medalı (20.11.1967).

Vəfatı

27 may 2000-ci il tarixdə – 87 yaşında, Bakıda vəfat edib.

Digər

2010-cu ildə haqqında məqalə dərc olunmuş bir jurnal və bir qəzet, təltif olunduğu 2 fəxri fərmanın özü və bir medalın vəsiqəsi, 1 fotoşəkli, kinomexanik vəsiqəsi və kinostudiyaya buraxılış vəsiqəsi qızı Sevil Bədəlova tərəfindən Azərbaycan Dövlət Film Fonduna təhvil verilib.

Ailəsi

Həyat yoldaşı Salman Bədəlov Böyük Vətən müharibəsi iştirakçısı olub. Azərbaycan sovet sənədli filmlər rejissoru Niyazi Bədəlov (1909–1997) Salman Bədəlovun qardaşıdır.

Oğlu: Fərid Bədəlov Azərbaycan Politexnik İnstitutunu bitirmiş, Əfqanıstanda və İranda işləmişdir. Vəfat edib.

Qızı: Sevil Bədəlova Bakı Rəssamlıq məktəbini, Moskva Universitetinin incəsənət fakültəsini bitirmiş, R.Mustafayev adına incəsənət muzeyində işləmişdir. 2010-cu ildən Türkiyədə yaşayır.

Ədəbiyyat

1. Cəbrayılov M., Ziyadov B. Qanadlanan arzular // Bakı : qəzet. — 1968. — В. 20 may. — Səh. 3.
2. Əliyev R. Günəş və gözəllik // Təşviqatçı : jurnal. — 1967. — В. noyabr. — № 22. — Səh. 25–26.
3. Azərbaycanın ilk qadın kino-mexaniki Nailə Bədəlovanın və kinoşünas Arzu Bağırovun şəxsi arxiv materialları Dövlət Film Fonduna təqdim edilib : [arx. 20.09.2021] // APA. — 2010. — 15 iyul. — Müraciət tarixi: 20.09.2021.