Saat Əzizov

Saat Əzizov
Əzizov Saat Məcid oğlu
Saat Əzizov.
Anadan olub	15 may 1929(1929-05-15)
Anadan olduğu yer	Böyük Dəhnə, Zaqatala-Şəki mahalı, Azərbaycan SSR, ZSFSR, SSRİ
Vəfat edib	9 may 2000 (70 yaşında)
Vəfat etdiyi yer	Şəki, Azərbaycan
Uşaqları	Arifə, Gülarə, Məcid və Eldar.
Vətəndaşlıq	SSRİ→ Azərbaycan
Təhsili	• S.M.Kirov adına Azərbaycan Dövlət universiteti, jurnalistika fakültəsi (1950–1955)  • Bakı Ali Partiya Məktəbi (1971–1973)

Saat Əzizov (1929–2000) — Azərbaycan sovet partiya-dövlət məmuru və rəhbər kadr. Müxtəlif illərdə Nuxa şəhər (rayon tabeliyində) sovetinin sədri, Nuxa şəhər (respublika tabeliyində) soveti sədrinin müavini, Şəki Rayon İstehlak Cəmiyyətinin sədri, Şəki şəhər mədəniyyət şöbəsinin direktor əvəzi, Kənd Təsərrüfatı Peşə Məktəbinin (Orjonikidze (indiki Turan) və Cəfərabad) direktoru və s. məsul vəzifələrdə çalışmışdır.

Haqqında məlumatlar

15 may 1929-cu ildə Zaqatala-Şəki mahalının Böyük Dəhnə kəndində anadan olub.

Təhsili

1946-cı ildə Böyük Dəhnə kənd orta məktəbini bitirib.

1946 – 1951-ci illərdə S.M.Kirov adına Azərbaycan Dövlət Universitetinin jurnalistika fakültəsində,

1971 – 1973-cü illərdə isə Bakı Ali Partiya Məktəbində təhsil alıb.

Əmək fəaliyyəti

1951 – 1957-ci illərdə “Nuxa fəhləsi” qəzetinin redaksiyasında fotoqraf, ədəbi işçi, şöbə müdiri,

1957-ci ildən Nuxa rayon komsomol komitəsinin birinci katibi,

1964 – 1965-ci illərdə Nuxa şəhər (rayon tabeliyində) sovetinin sədri,

1965-ci ildən Nuxa şəhər (respublika tabeliyində) soveti sədrinin müavini,

1972 – 1976-cı illərdə Şəki Rayon İstehlak Cəmiyyətinin sədri,

1976 – 1983-cü illərdə Şəki rayon mədəniyyət şöbəsində inspektor, Şəki şəhər mədəniyyət şöbəsinin direktor əvəzi,

1983 – 1998-ci illərdə Kənd Təsərrüfatı Peşə məktəbinin (məktəb əvvəl Şəki rayonunun Orjonikidze (indiki Turan) qəsəbəsində, sonra isə Cəfərabad kəndində yerləşmişdir) direktoru vəzifəsində çalışıb.

1998-ci ildən əmək təqaüdünə çıxıb.

İctimai-siyasi fəaliyyətri

Dəfələrlə və ardıcıl olaraq Nuxa/Şəki rayon və şəhər xalq deputatları sovetlərinin deputatı seçilib.

Vəfatı

9 may 2000-ci il tarixdə – 70 yaşında, Şəkidə vəfat edib.

Ailəsi

İki qız və iki oğul atasıdır.

Həmçinin, bax:

Nuxa Rayon Sovetinə seçilmiş deputatların siyahısı (1957-ci il)