Şahmar Soltanlı

Şahmar Soltanlı
Soltanlı Şahmar Qinyaz oğlu
Şahmar Soltanlı
Doğum tarixi	20 fevral 1996(1996-02-20)
Doğum yeri	Şəki Azərbaycan
Vəfat tarixi	17 oktyabr 2020 (24 yaşında)
Vəfat yeri	Tərtər rayonu, Azərbaycan
Dəfn yeri	Dovşan düzü qəbiristanlığının şəhidlər üçün ayrılmış hissəsi, Şəki, Azərbaycan
Vətəndaşlıq	Azərbaycan
Mənsubiyyəti	Azərbaycan Ordusu
Atası	Qinyaz Bədirov
Anası	Gülxar
Hərbi fəaliyyəti
Qoşun növü	Quru Qoşunları
Rütbə	sıravi
Təltifləri

Şahmar Soltanlı (1996–2020) — Vətən müharibəsində şəhid olmuş Azərbaycan Silahlı Qüvvələrinin əsgəri.

Haqqında məlumatlar

20 fevral 1996-cı il tarixdə Şəkidə anadan olub.

Təhsili

2003 – 2011-ci ildə Şəki şəhər 5 saylı tam orta məktəbində (doqquzillik),

2006 – 2011-ci illərdə Şəki şəhər 3 saylı Uşaq musiqi məktəbinin tar şöbəsində təhsil alıb.

2011-ci ildə Bakı Humanitar Kollecinə daxil olub.

Əmək fəaliyyəti

Ailəsinə maddi dəstək olmaq üçün təhsil aldığı müddətdə müxtəlif fərdi işlərlə məşğul olub.

Hərbçi fəaliyyəti

2018-ci ilin oktyabr ayından 2020-ci ilin may ayına qədər həqiqi hərbi xidmətdə olub, əvvəlcə Goranboyda yerləşən “N” saylı hərbi hissədə, sonra isə Tərtərdə yerləşən “N” saylı hərbi hissədə xidmət edib. Xidməti dövründə qumbaraatan köməkçisi, atıcı olub.

27 sentyabr 2020-ci il tarixdə Vətən müharibəsinin başlamasından sonra elan edilmiş qismən səfərbərliklə bağlı olaraq,

5 oktyabr 2020-ci il tarixdə yenidən orduya çağırılıb. “N” saylı hərbi hissənin tərkibində Tərtər, Ağdərə istiqamətində gedən döyüşlərdə iştirak edib. Tərtər rayonunun Qafanlı kəndinə düşən qrad mərmisindən yaralansa da, cəmi 2 gündən sonra yenidən döyüşlərə qatılıb.

Şəhid olması

17 oktyabr 2020-ci ildə Suqovuşan istiqamətində gedən döyüşdə qəhrəmancasına həlak olub. Şəkidəki Dovşan düzü qəbiristanlığının şəhidlər ayrılmış hissəsində dəfn edilib.

Təltif və mükafatları

• “Vətən uğrunda” medalı – ölümündən sonra (15.12.2020);
• “Cəsur döyüşçü” medalı – ölümündən sonra (24.06.2021);
• “Suqovuşanın azad olunmasına görə” medalı — ölümündən sonra (24.06.2021).

Ailəsi

Atası Qinyaz Bədirov zəhmətkeş bir insan olmuş və 55 yaşında vəfat etmişdir.

Anası Gülxar Şəki şəhər 3 saylı Uşaq musiqi məktəbində pianino müəllimidir.

Ailədə iki uşaq, iki qardaş olublar. Qardaşı Elgün Şəki şəhər 1 saylı Texniki Peşə məktəbində turizm agentliyi ixtisası üzrə təhsil alıb.

Ədəbiyyat

1. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Vətən uğrunda” medalı ilə təltif edilməsi haqqında : [arx. 15 Dec 2020 - 6 Oct 2021] // Azərbaycan Müdafiə Nazirliyi. — 2020. — 15 dekabr. — Müraciət tarixi: 21.12.2021.
2. Azərbaycan Respublikası Prezidentinin Silahlı Qüvvələrin hərbi qulluqçularının “Cəsur döyüşçü” medalı ilə təltif edilməsi haqqında Sərəncamı : [arx. 24.06.2021] // Azərbaycan Müdafiə Nazirliyi. — 2021. — 24 iyun. — Müraciət tarixi: 09.12.2021.
3. Azərbaycan Respublikası Prezidentinin Silahlı Qüvvələrin hərbi qulluqçularının “Suqovuşanın azad olunmasına görə” medalı ilə təltif edilməsi haqqında Sərəncamı : [arx. 24 Jun 2021 - 18 Nov 2021] // Azərbaycan Müdafiə Nazirliyi. — 2021. — 24 iyun. — Müraciət tarixi: 21.12.2021.
4. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : RƏŞADƏT Vüqar oğlu Musayev : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.