Həsən Qazıyev

Həsən Qazıyev
Qazıyev Həsən Məhəmməd oğlu
Həsən Qazıyev.
Anadan olub	23 yanvar 1917(1917-01-23)
Anadan olduğu yer	Nuxa, Yelizavetpol quberniyası, Rusiya İmperiyası (bəzi məlumatlara görə isə Nuxa qəzasının İnçə kəndi)
Vəfat edib	12 fevral 1985 (68 yaşında)
Dəfn yeri	Xoçik qəbiristanlığı, Şəki
Həyat yoldaşı	Libada Qazıyeva
Uşaqları	Rəhim Qazıyev, Anaqız Qazıyeva və daha 6 uşaq
Atası	Məhəmməd Əsəd oğlu Qazıyev
Anası	Aliyə xanım Həsən qızı Şeyxzadə
Vətəndaşlıq	SSRİ
Təhsili	• Bakı Tibb Məktəbi, diş texniki şöbəsi  • Stavropol Tibb İnstitutu, stomatoloq fakültəsi

Həsən Qazıyev (1917–1985) — tanınmış stomatoloq-həkim, Bakı şəhər 2 №-li poliklinikasının işçisi. Azərbaycan Respublikasının sabiq müdafiə naziri Rəhim Qazıyevin atasıdır.

Haqqında məlumatlar

23 yanvar 1917-сi il tarixdə Nuxada (bəzi məlumatlara görə Nuxa qəzasının İnçə kəndində) anadan olub.

Təhsili

Bakıda diş texniki ixtisası üzrə orta ixtisas, Stavropolda stomatoloq ixtisası üzrə ali təhsil alıb.

Hərbi xidmətdə

23 iyun 1941-ci il tarixdən Nuxa Rayon Hərbi Komissarlığından hərbi xidmətə qəbul edilib. Böyük Vətən Müharibəsi iştirakçısıdır və tibb xidməti baş leytenantı hərbi rütbəsinə malik olub.

Əmək fəaliyyəti

1967-ci ilədək Nuxa şəhər stomatoloji poliklinikasında,

1968 – 1985-ci illərdə isə Bakı şəhər 2 №-li poliklinikasında stomatoloq-həkim işləyib.

Vəfatı

12 fevral 1985-ci il tarixdə – 68 yaşında, Bakıda vəfat edib. Şəkidə Xoçik qəbiristanlığında dəfn olunub.

Ailəsi

8 uşaq atası olub. Böyük oğlu Rəhim Qazıyev 1992–1993-cü illərdə Azərbaycan Respublikasının müdafiə naziri vəzifəsində çalışmışdır. Həsən Qazıyevin uşaqlarından yalnız qızı Anaqız Qazıyeva onun sənətini davam etdirib, amma həkim-stomatoloq kimi yox, həkim-ginekoloq kimi.

Ədəbiyyat

1. Казиев Хасан Мамед-оглы : [arx. 12.02.2023] : [rus.] // Память народа. — Müraciət tarixi: 12.02.2023.