"Tələt Qasımov" səhifəsinin versiyaları arasındakı fərqlər

Tələt Qasımov
Tələt Qasımov
	Qasımov Tələt Əli oğlu
	Tələt Qasımov.
	1991 — 1992
Sələfi	vəzifə təsis edilib
Xələfi	Rahim Hüseynov
	1979 — 1991
Sələfi	Hənifə Abdullayev
Xələfi	Azərbaycan SSR ləğv olunub
	1978 — 1979
Şəxsi məlumatlar
Doğum tarixi	4 avqust 1939
Doğum yeri	Bakı, Azərbaycan SSR, SSRİ
Vəfat tarixi	27 fevral 1999 (59 yaşında)
Vəfat yeri	Bakı
Atası	Əli Qasımov
Anası	Səidə Qasımova
Həyat yoldaşı	Yuliya Qasımova
Təhsili	• Nəriman Nərimanov adına Azərbaycan Dövlət Tibb İnstitutu, müalicə-profilaktika fakültəsi (1957–1963) • Nəriman Nərimanov adına Azərbaycan Dövlət Tibb İnstitutu, klinik ordinatura (1965–1967)
Elmi dərəcəsi	tibb elmləri namizədi
Təltifləri	;

20:29, 11 oktyabr 2023 versiyası

Tələt Qasımov (1939–1999) — görkəmli dövlət xadimi və tibb işçisi, tibb elmləri namizədi, Azərbaycan SSR əməkdar həkimi, Azərbaycan SSR-in sonuncu, Azərbaycan Respublikasının isə birinci və sabiq səhiyyə naziri.

Haqqında məlumatlar

4 avqust 1939-cu il tarixdə Bakıda anadan olub.

Təhsili

1956-cı ildə Bakı şəhər 6 №-li orta məktəbini bitirib.

1957 – 1963-cü illərdə Nəriman Nərimanov adına Azərbaycan Dövlət Tibb İnstitutunun müalicə-profilaktika fakültəsində,

1965 – 1967-ci illərdə əvvəl Nəriman Nərimanov adına Azərbaycan Dövlət Tibb İnstitutunun klinik ordinaturasında təhsil alıb.

Elmi fəaliyyəti

1967-ci ildə “Bronxial asma zamanı kliniki-biokimyəvi tədqiqatlar” mövzusunda namizədlik dissertasiyasını müdafiə edib.

Əmək fəaliyyəti

1957 – 1963-cü illərdə institutda təhsil alarkən Bakı şəhər 2 №-li klinik xəstəxanada tibb qardaşı vəzifəsində çalışıb.

1963 – 1965-ci illərdə hərbçi-həkim kimi Sovet Ordusunda (Macarıstanda) xidmət edib.

1967 – 1970-ci illərdə Nəriman Nərimanov adına Azərbaycan Dövlət Tibb İnstitutunun I hospital terapiya kafedrasında assistent vəzifəsində çalışıb.

1970 – 1974-cü illərdə Azərbaycan LKGİ-nin sədri olub.

1974 – 1978-cu illərdə Azərbaycan KP MK-da işləyib, o cümlədən, 1976 – 1978-ci illərdə elm və təhsil müəssisələri şöbəsinin səhiyyə və sosial təminat sektorunun müdiri olub.

1978 – 1979-cu illərdə Azərbaycan SSR Səhiyyə nazirinin müavini və nazirliyin IV baş idarəsinin rəisi vəzifəsində çalışıb.

1979 – 1992-ci illərdə Azərbaycan SSR-in (1991-ci ilədək) və Azərbaycan Respublikasının (1991-ci ildən) səhiyyə naziri olub.

1992 – 1993-cü illərdə Azərbaycanın Moskvadakı nümayəndəliyində ümumi məsələlər üzrə müşavir vəzifəsində çalışıb.

1992-ci ildən sonra heç yerdə işləməyib.

İctimai-siyasi fəaliyyəti

1957 – 1963-cü illərdə Nəriman Nərimanov adına Azərbaycan Dövlət Tibb İnstitutunun müalicə-profilaktika fakültəsində təhsil alarkən institutun komsomol komitəsi katibinin müavini olub.

1965 – 1967-ci illərdə Nəriman Nərimanov adına Azərbaycan Dövlət Tibb İnstitutunun I hospital terapiya kafedrasında assistent vəzifəsində çalışarkən isə institutun komsomol komitəsinin katibi olub.

1970-ci ildə Azərbaycan LKGİ MK-nın büro üzvü seçilib.

1980 – 1984 və 1985 – 1990-cı illərdə X və XI çağırış Azərbaycan SSR Ali Sovetinin deputatı seçilib.

Təltif və mükafatları

Azərbaycan SSR Ali Sovetinin fəxri fərmanı (1972) – respublika pioner təşkilatının işində fəal iştirak etdiklərinə, böyüməkdə olan nəslin kommunist tərbiyəsi sahəsində uzun illər səmərəli fəaliyyət göstərdiklərinə görə və V.İ.Lenin adına Ümumittifaq pioner təşkilatının 50 illiyi ilə əlaqədar olaraq^[1];
“Səhiyyə əlaçısı” nişanı (1970);
Vladimir İliç Leninin anadan olmasının 100 illiyi ilə əlaqədar yubiley medalı (1970);
“Şərəf nişanı” ordeni (1981);
“Azərbaycan SSR əməkdar həkimi” fəxri adı (1989).

Vəfatı

27 fevral 1999-cu il tarixdə – 59 yaşında, Bakıda vəfat edib.

Ailəsi

Atası: Əli Qasımov, Nuxada anadan olmuş, 1941-ci ilədək Bakı şəhər səhiyyə idarəsində çalışmış, Bakıda tibb məktəbinin müdiri olmuş, 1941-ci ildə könüllü olaraq müharibəyə getmiş, 1942-ci ildə itkin düşmüşdür;
Anası: Səidə Qasımova (Əbdürəhmanova), Nuxada anadan olmuşdu, həkim idi, Nəriman Nərimanov adına Azərbaycan Dövlət Tibb İnstitutunda çalışmışdı. Görkəmli azərbaycanlı sovet heykəltəraş-monumentalisti Fuad Əbdürrəhmanovun əmisi qızı idi.
Bacısı: Rəna;
Həyat yoldaşı: Yuliya Qasımova;
Övladları: Nərminə və Əli Qasımov.

İstinadlar

↑ "Respublikanın xalq maarifi və mədəniyyət işçilərinin Azərbaycan SSR Ali Sovetinin Fəxri Fərmanı ilə tətif edilməsi haqqında Azərbaycan SSR Ali Soveti Rəyasət Heyətinin 18 may 1972-ci il tarixli Fərmanı" (PDF). www.anl.az (azərb.). ww.anl.az. 5 Dec 2010 – 16 Jan 2020 tarixində arxivləşdirilib (PDF).

Ədəbiyyat

Məmmədov Ə., Xalıqov F. Касумов Талят Али оглы // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 305-306. — 1.000 nüsx.
Məmmədov N. Tələt Qasımov // Konsilium : jurnal. — 2009. — № 5 may. — Səh. 4 (3–15).

[1] "Respublikanın xalq maarifi və mədəniyyət işçilərinin Azərbaycan SSR Ali Sovetinin Fəxri Fərmanı ilə tətif edilməsi haqqında Azərbaycan SSR Ali Soveti Rəyasət Heyətinin 18 may 1972-ci il tarixli Fərmanı" (PDF). www.anl.az (azərb.). ww.anl.az. 5 Dec 2010 – 16 Jan 2020 tarixində arxivləşdirilib (PDF).

[1]

@@ Sətir 128: / Sətir 128: @@
   | buraxılış       =
   | nömrə           = 5 may
-  | səhifələr       = 4 (3 – 15)
+  | səhifələr       = 4 (3–15)
   | isbn            =
   | issn            =
@@ Sətir 141: / Sətir 141: @@
 {{Yoxlanılmış məqalə}}
+[[az:Tələt Qasımov (nazir)]]