Kifayət Şamilova

Kifayət Şamilova
Şamilova Kifayət Məmmədiyə qızı.
Kifayət Şamilova.
Anadan olub	1 yanvar 1956 (1956-01-01)
Anadan olduğu yer	Nuxa (indiki Şəki), Azərbaycan SSR, SSRİ
Həyat yoldaşı	Teymurxan Şamilov
Uşaqları	Vəfa Bağırova, Münəvvər Zeynalova, Nərmin Şirinova
Vətəndaşlıq	SSRİ→ Azərbaycan
Təhsili	S.M.Kirov adına Azərbaycan Dövlət Universiteti, tarix fakültəsi (1974–1979)
Adının digər versiyaları	Kifayet Şamilova, Кифаят Шамилова, Кифает Шамилова, Кифајәт Шамилова

Kifayət Şamilova — tanınmış pedaqoq, ali kateqoriyalı müəllim. Bir sıra təhsil müəssisələrində, o cümlədən, Bakı Dövlət Universitetinin Şəki filialında, Bakı Dövlət Universiteti nəzdində Gənc istedadlar liseyində çalışmışdır. 2023-cü ildən əmək təqaüdündədir.

Haqqında məlumatlar

1 yanvar 1956-cı il tarixdə Nuxada (indiki Şəki) anadan olub.

Təhsili

1972-ci ildə Şəki şəhər 19 №-li orta məktəbini bitirib.

1974 – 1979-cu illərdə S.M.Kirov adına Azərbaycan Dövlət Universitetinin tarix fakültəsində təhsil alıb.

Əmək fəaliyyəti

1972 – 1974-cü illərdə, əvvəl Bakı Corab Trikotaj fabrikində, sonra isə Bakı Elektrik lampaları zavodunda fəhlə,

1979-cu ildən, əvvəl Şəki şəhər 14 №-li orta məktəbində tarix müəllimi, sonra isə həm də həmin məktəbin tərbiyyə işləri üzrə direktor müavini,

1992-ci ildən Şəki fizika-riyaziyyat təməyüllü liseyində tarix müəllimi,

1996-cı ildən isə isə həm də həmin liseydə profil fənlər üzrə direktor müavini və Bakı Dövlət Universitetinin Şəki filialında müəllim,

2005-ci ildən Bakı Dövlət Universiteti nəzdində Gənc istedadlar liseyində müəllim,

2007 – 2023-cü illərdə həmin liseyyin tarix-coğrafiya metodik kabinəsinin rəhbəri vəzifəsində çalışıb.

Elmi fəaliyyəti

Pedaqogika sahəsində onlarla elmi-metodik məqalənin müəllifidir.

İctimai-siyasi fəaliyyəti

1998-ci ildən Yeni Azərbaycan partiyasının üzvüdür.

1998 və 2003-cü illərdə Azərbaycan müəllimlərinin qurultayına,

2003-cü ildə Azərbaycan qadınlarının qurultayına Şəkidən nümayəndə seçilib.