"Yusif Şükürlü" səhifəsinin versiyaları arasındakı fərqlər
| Sətir 1: | Sətir 1: | ||
| − | [[Kateqoriya:Y]][[Kateqoriya:Şəkidən çıxmış alimlər]] | + | [[Kateqoriya:Y]][[Kateqoriya:Şəxslər (familiya sırası ilə)|{{Əvvəlcə familiya|{{PAGENAME}}}}]][[Kateqoriya:Şəkidən çıxmış alimlər]] |
{{Alim | {{Alim | ||
|Adı = Yusif Şükürlü | |Adı = Yusif Şükürlü | ||
02:01, 27 iyun 2020 versiyası
| Yusif Şükürlü | |
|---|---|
| Şükürlü Yusif Hacıbala oğlu | |
| Yusif Şükürlü | |
| Doğum tarixi | 25 iyul 1948 |
| Doğum yeri |
 SSRİ.svg){kind=small} Azərbaycan SSR, Nuxa rayonu, Baş Şabalıd |
| Vətəndaşlıq |
SSRİ→ Azərbaycan |
| Elm sahəsi | Fizika-riyaziyyat |
| İş yeri | AMEA Şəki Regional Elmi Mərkəzinin direktoru |
| Elmi dərəcəsi | fizika-riyaziyyat üzrə fəlsəfə doktoru |
| Elmi adı | dosent |
| Təhsili | Azərbaycan Dövlət Universiteti, Fizika fakültəsi |
Yusif Şükürov (Şükürlü) — fizika-riyaziyyat üzrə fəlsəfə doktoru, dosent. AMEA Şəki Regional Elmi Mərkəzinin direktoru (2014), Azərbaycan Yazıçılar Birliyinin üzvü (2007).
Həyatı
Yusif Şükürlü 27 oktyabr 1948-ci ildə Nuxa rayonunun Baş Şabalıd kəndində anadan olub.
1966-cı ildə Azərbaycan Dövlət Universitetinin Fizika fakültəsinə daxil olmuşdur.
Əmək fəaliyyəti
1971-ci ildə ali məktəbi bitirdikdən sonra təyinat üzrə Qəbələ rayonunda Tola kənd səkkiz illik məktəbində və Qəbələ Qiyabi Orta məktəbində fizika, riyaziyyat və kimya fənlərindən dərs deyib. 1973-1974-cü illərdə isə həm də Tola kənd səkkiz illik məktəbində tədris işləri üzrə direktor müavini olub.
1974-cü ilin avqustundan Şəki şəhərində 43 saylı Texniki Peşə məktəbində fizika müəllimi vəzifəsində işləyib və 1975-ci ildə istehsalatdan ayrılmamaq şərti ilə Azərbaycan EA-nın Fizika İnstitutunun aspiranturasına daxil olub. 1975-ci ilin noyabrında Azərbaycan SSR EA Fizika İnstitutunun nəzdində olan Səki Elmi bazasında laborant, 1976-cı ilin oktyabrından isə kiçik elmi işçi vəzifəsini tutub. 1977-ci ilin sentyabrında Azərbaycan EA-nın Radiasiya Problemləri İnstitutuna işə götürülmüş, 1987-ci ilə qədər orada kiçik elmi işçi vəzifəsində, 1987-1990-cı illərdə isə baş elmi işçi vəzifəsində çalışmışdır. 1984-cü ildə fizika-riyaziyyat elmləri namizədi elmi dərəcəsini alıb. 1990-cı ildən 1 dekabr 2008-ci ilədək isə Şəki Regional Elmi Bazasında “Biofizika” laboratoriyasına rəhbərlik edib.
Yusif Şükürlü 1975-1992-ci illərdə isə Şəki şəhərinin müxtəlif məktəblərində əvəzçilik əsasında fizika müəllimi işləyib. 1992-1996-cı illərdə BDU-nun Şəki filialında baş müəllim, 7 mart 1996-cı il tarixdən isə əvəzçi dosent vəzifəsində çalışıb, 26 noyabr 2002-ci ildə müsabiqə yolu ilə, Azərbaycan Müəllimlər İnstitutunun Şəki filialının Təbiət elmləri və tədrisi metodikası kafedrasının əvəzçi dosenti vəzifəsinə seçilib. 2008-ci ildən ADPU-nun Şəki filialının "Təbiət elmləri və onların tədrisi metodikası" kafedrasının dosentidir və 15 oktyabr 2014-cü il tarixədək həmin kafedranın müdiri vəzifəsində çalışmışdır. O, Azərbaycan Müəllimlər İnstitutunun Şəki filialında bakalavr pilləsində və Yenidənhazırlanma fakültəsində mühazirə və seminarlar aparmış, buraxılış işlərinə rəhbərlik etmişdir. 15 oktyabr 2014-cü il tarixdə isə AMEA Şəki Regional Elmi Mərkəzinin direktoru vəzifəsinə təyin edilib.
2007-ci ildən Azərbaycan Yazıçılar Birliyinin üzvüdür. “Yetti” adlı elmı-fantastik romanın müəllifidir. 2004-cü ildə 14,5 çap vərəqi həcmində olan şeirlər, hekayələr və povestlərdən ibarət “Çəhrayı gödəkcə” adlı kitabı çap edilib.
Şəki şəhərində yaşayır. İki övladı və dörd nəvəsi var.
Mənbələr
- www.science.az/Şəki REM-in fəlsəfə doktorları/Şükürlü Yusif Hacıbala oğlu.
- Araz Yaquboğlu, Tələbə dünyası. Bakı: "Elm və təhsil", 2011.