Nurməmməd Quliyev

Nurməmməd Quliyev
Quliyev Nurməmməd Həsən oğlu
Nurməmməd Quliyev
Azərbaycan SSR DTK sədrinin müavini 1946 — 1954
Şəxsi məlumatlar
Doğum tarixi	1905(1905-Şablondakı doğum və ya ölüm tarixində texniki yanlışlıq var!-00)
Doğum yeri	Nuxa, Nuxa qəzası, Yelizavetpol quberniyası, Rusiya İmperiyası
Vəfat tarixi	1979(1979-Şablondakı doğum və ya ölüm tarixində texniki yanlışlıq var!-00)
Vəfat yeri	Bakı, Azərbaycan SSR, SSRİ
Dəfn yeri	Fəxri Xiyaban, Bakı
Təltifləri

Nurməmməd Quliyev (Quliyev Nurməmməd Həsən oğlu; d. 1905-ci ildə, Nuxa, Nuxa qəzası, Yelizavetpol quberniyası, Rusiya İmperiyası – ö. 1979-cu ildə, Bakı, Azərbaycan SSR, SSRİ) – İran ərazisində yaranmış Azərbaycan Demokratik Respublikasının (1945 – 1946) rəhbərlərindən biri, Azərbaycan SSR DTK sədrinin müavini (1946 – 1954).

Haqqında məlumatlar

1905-ci ildə Nuxada anadan olub.

1920 – 1924-cü illərdə bir sıra idarələrdə çalışıb.

1924 – 1930-cu illərdə əvvəlcə Azərbaycan Kommunist (b) Partiyası Nuxa/Şəki qəza komitəsində, sonra Nuxa şəhər komitəsində, daha sonra isə Zaqatala-Şəki mahalı komitəsində kargüzar, şöbə katibi, ümumi şöbə müdiri, daxili işlər müdiri və məxfi hissə müdiri vəzifələrində çalışıb.

1930-cu ilin sentyabr ayında Azərbaycan Kommunist (b) Partiyası Zaqatala-Şəki mahalı komitəsinin qərarı ilə Bakıya – Kənd Təsərrüfatı İnstitutuna oxumağa göndərilsə də, az sonra Baş Siyasi İdarəyə daimi işə götürülməsi ilə əlaqədar olaraq təhsilini davam etdirməmişdir.

1941-ci ildə İrana xidməti ezamiyyətə göndərilib.

1943 – 1945-cı illərdə SSRİ Dövlət Təhlükəsizlik Komitəsinin Təbrizdəki nümayəndəsi, Pəhləvi şəhərində SSRİ Ticarət Nümayəndəliyi rəhbərinin müavini, Qəzvin şəhərində “İransovneft” İran-SSRİ Assosiasiyasında şöbə müdiri, SSRİ-nin Təbrizdəki Baş Konsulluğunda vitse-konsul vəzifələrini tutub.

1945 – 1946-cı illərdə Seyid Cəfər Pişəvəri və Qulam Yəhya ilə birlikdə İran ərazisində yaranmış Azərbaycan Demokratik Respublikasının rəhbərlərindən biri olub. İranda xidmətlərinə görə polkovnik rütbəsi alıb, İranın bir çox görkəmli şəxslərinin həyatını xilas edib Bakıya köçürülməsində yaxından iştirak edib.

1946 – 1954-cü illərdə Azərbaycan SSR DTK sədrinin müavini vəzifəsində işləyib.

1963 – 1979-cu illərdə Ümumittifaq Səhmdarlar Cəmiyyəti Xarici Turizm İdarəsinın başçısı olub.

1979-cu ildə vəfat edib.

Bakıda Fəxri Xiyabanda dəfn edilib.

Mükafatları

• “Şərəf nişanı” ordeni;
• “Qırmızı ulduz” ordeni;
• medallar,
• Azərbaycan SSR Ali Sovetinin fəxri fərmanı.

Ədəbiyyat

Məmmədov Ə., Xalıqov F. Quliyev Nurməmməd // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 242 –243. — 1.000 nüsx.