Hadi Rəcəbli

Hadi Rəcəbli
Rəcəbli Hadi Musa oğlu
Hadi Rəcəbli, 2013
Şəki Şəhər Partiya Komitəsinin birinci katibi 17 dekabr 1983 — 26 noyabr 1988
Azərbaycan KP MK-nın inspektoru 1981 — 1983
Lənkəran Şəhər İcraiyyə Komitəsinin sədri 1980 — 1981
“Bakinski raboçi” qəzetinin xüsusi müxbiri 1978 — 1980
Lənkəran Şəhər Komsomol Komitəsinin birinci katibi 1972 — 1978
Lənkəran Şəhər Komsomol Komitəsinin ikinci katibi 1971 — 1972
Şəxsi məlumatlar
Doğum tarixi	25 oktyabr 1947 (1947-10-25)
Doğum yeri	Viravul kəndi, Lənkəran rayonu, Azərbaycan SSR, SSRİ
Vətəndaşlığı	SSRİ→ Azərbaycan
Milliyyəti	azərbaycanlı
Təhsili	• Moskva Yeyinti Sənayesi İnstitutu, texnologiya fakültəsi  • Bakı Ali Partiya məktəbi
Təltifləri

Hadi Rəcəbli — Azərbaycan Respublikası Milli Məclisinin sabiq deputatı və Sosial Siyasət Komitəsinin sabiq sədri, siyasi elmlər doktoru və professor.

Haqqında məlumatlar

25 oktyabr 1947-ci il tarixdə Lənkəran rayonunun Viravul kəndində anadan olub.

Təhsili

Moskva Yeyinti Sənayesi İnstitutunun texnologiya fakültəsini və Bakı Ali Partiya məktəbini bitirib.

Əmək fəaliyyəti

1963 – 1971-ci illərdə Lənkəran çörək zavodunda fəhlə, mühasib, texnoloq, iqtisadçı,

1971 – 1972-ci illərdə Lənkəran Şəhər Komsomol Komitəsinin ikinci katibi,

1972 – 1978-ci illərdə Lənkəran Şəhər Komsomol Komitəsinin birinci katibi,

1978-ci ildən “Bakinski raboçi” qəzetinin xüsusi müxbiri,

1980 – 1981-ci illərdə Lənkəran Şəhər İcraiyyə Komitəsinin sədri,

1981 – 1983-cü illərdə Azərbaycan KP MK-nın inspektoru,

1983 – 1989-cu illərdə Şəki Şəhər Partiya Komitəsinin birinci katibi,

1989 – 1995-ci illərdə Azərbaycan Respublikasının Nazirlər Kabinetində referent, aparıcı mütəxəssis, bölmə müdiri, şöbə müdirinin müavini, şöbə müdiri vəzifəsində çalışmış,

1995 – 2020-ci illərdə birinci, ikinci, üçüncü, dördüncü və beşinci çağırış Azərbaycan Respublikası Milli Məclisinin deputatı və Sosial Siyasət Komitəsinin sədri olmuşdur.

İctimai–siyasi fəaliyyəti

On birinci çağırış Azərbaycan SSR Ali Sovetinə deputat seçilib.

Yeni Azərbaycan Partiyası Siyasi Şurasının üzvüdür.

Orden və medalları

• “Əmək igidliyinə görə” medalı (1976);
• “Şərəf nişanı” ordeni (1986);
• “Şöhrət” ordeni (2007);
• İkinci dərəcəli “Vətənə xidmətə görə” ordeni (2017).

Ailəsi

Evlidir, 4 övladı, 10 nəvəsi var.

Həmçinin, bax:

• Azərbaycan KP Şəki şəhər partiya komitəsinin birinci katibləri

Ədəbiyyat

1. "Deputat Hadı Rəcəbli ilə FOTOSÖHBƏT". https://modern.az/ (azərb.). Modern.az. 25 Oktyabr 2017. 9 Jun 2016 - 17 Sep 2019 tarixində arxivləşdirilib.