Məmmədsadıq Naibov

Məmmədsadıq Naibov
Naibov Məmmədsadıq Yaqub oğlu
Məmmədsadıq Naibov.
Anadan olub	8 sentyabr 1923(1923-09-08)
Anadan olduğu yer	Nuxa (indiki Şəki), Azərbaycan SSR
Vəfat edib	15 mart 1974 (50 yaşında)
Vəfat etdiyi yer	Şəki, Azərbaycan SSR, SSRİ
Dəfn yeri	Dağ dibi qəbiristanlığı
Həyat yoldaşı	Asiya
Uşaqları	Azad, Faiq, Naib, Gültər
Partnyoru	Şövkət
Atası	Naibov Yaqub Məhəmməd oğlu
Vətəndaşlıq	SSRİ
Təhsili	• S.M.Kirov adına Azərbaycan Dövlət Universiteti, fizika-riyaziyyat fakültəsi (1940–1941)  • M.V.Lomonosov adına Moskva Dövlət Universiteti, riyaziyyat fakültəsi (1947–1949)  • S.M.Kirov adına Azərbaycan Dövlət Universiteti (1949–1951)
Mükafatları
Adının digər versiyaları	Memmedsadiq Naibov, Mamedsadiq Naibov, Mammadsadiq Naibov, Мамедсадыг Наибов, Мәммәдсадыг Наибов

Məmmədsadıq Naibov (1923–1974) — tanınmış pedaqoq-riyaziyyatçı. Müxtəlif vaxtlarda Şəkidəki üç orta məktəbin, həmçinin Şəki Pedaqoji Məktəbinin direktoru vəzifəsində çalışmışdır.

Haqqında məlumatlar

8 sentyabr 1923-cü il tarixdə Nuxada (indiki Şəki) anadan olub.

Təhsili

1940-cı ildə Nuxa şəhər 11 №-li orta məktəbini bitirib.

1940-cı ildə S.M.Kirov adına Azərbaycan Dövlət Universitetinin fizika-riyaziyyat fakültəsinə daxil olub. Lakin 1942-ci ildə hərbi xidmətə çağırılıb və təhslili yarımçıq qalıb.

1947 – 1951-ci illərdə əvvəl M.V.Lomonosov adına Moskva Dövlət Universitetinin, sonra isə S.M.Kirov adına Azərbaycan Dövlət Universitetin riyaziyyat fakültəsində təhsilini davam etdirib.

Hərbi xidmətdə

9 yanvar 1942-ci il tarixdən hərbi xidmətə başlayıb.

14 aprel 1943-cü il tarixdən 3450 №-li evakuasiya xəstəxanası 208 №-li atıcı ehtiyat cəbhə alayının artilleriya komandanlığı idarəsinin qərargahında xidmət edib.

Əmək fəaliyyəti

1951 – 1972-ci illərdə əvvəl Nuxa Dövlət Müəllimlər İnstitutunda baş müəllim, sonralar Nuxa şəhər 8 №-li rus orta məktəbinin, Nuxa şəhər 5 №-li və 11 №-li orta məktəblərinin direktoru, Nuxa/Şəki şəhər Maarif şöbəsinin müdiri,

1972 – 1974-cü illərdə isə Şəki Pedaqoji Məktəbinin direktoru olub.

Təltif və mükafatları

• “Döyüş xidmətlərinə görə” medalı (20.04.1945);

İctimai-siyasi fəaliyyəti

1963-cü ildə doqquzuncu çağırış Nuxa şəhər sovetinin deputatı seçilib.

Vəfatı

15 mart 1974-cü il tarixdə – 50 yaşında, Şəkidə vəfat edib. Dağ dibi qəbiristanlığında dəfn olunub.

Ədəbiyyat

1. Наибов Мамед-Саде Якубович : [arx. 15.07.2023] : [rus.] // Память народа. — Müraciət tarixi: 15.07.2023.
2. Наибав Мамед Садов. : [arx. 15.07.2023] : [rus.] // Память народа. — Müraciət tarixi: 15.07.2023.
3. Şükürov R., Orsər R. Naibov Məmmədsadıq Yaqub oğlu // İşıq məbədi. — Bakı: İdeal-Print, 2010. — Səhifələrin sayı:  310. — Səh.: 127-128. — (Ş 4702060200). — 1.000 nüsx. — ISBN 978995244710.
4. Naibovlar // Şəkidə məhəllə adları, soyadlar və ləğəblər / Zəkəriyyə Əlizadə, Ulduz Mürşüdova və Kamil Adışirinov. — AMEA Şəki Regional Elmi Mərkəzi. — Bakı: Nafta–Press, 2009. — 2 kitab. — II  kitab. — Səhifələrin sayı:  605. — Səh.: 350. — 500 nüsx. — ISBN 5-8066-1708-4.

Həmçinin, bax:

• Nuxa şəhər və Vartaşen rayon sovetlərinin deputatları (1963)