Aydın Əhmədli

Aydın Əhmədli
Əhmədli Aydın Mustafa oğlu
Aydın Əhmədli.
Doğum tarixi	12 mart 2002(2002-03-12)
Doğum yeri	Orta Zəyzid, Şəki rayonu, Azərbaycan
Vəfat tarixi	8 oktyabr 2020 (18 yaşında)
Vəfat yeri	Füzuli rayonu, Azərbaycan
Dəfn yeri	Qandaq kənd qəbiristanlığı, Zaqatala rayonu, Azərbaycan
Vəfat səbəbi	döyüşdə şəhid olub
Vətəndaşlıq	Azərbaycan
Mənsubiyyəti	Azərbaycan Ordusu
Atası	Mustafa
Anası	Bahar
Hərbi fəaliyyəti
Qoşun növü	Quru Qoşunları
Rütbə	sıravi
Təltifləri

Aydın Əhmədli (2002–2020) — Vətən müharibəsində şəhid olmuş Azərbaycan Silahlı Qüvvələrinin əsgəri.

Haqqında məlumatlar

12 mart 2002-ci il tarixdə Şəki rayonunun Orta Zəyzid kəndində anadan olub.

Təhsili

2008 – 2019-cu illərdə əvvəl Orta Zəyzid kənd 2 saylı tam orta məktəbində, sonra isə Bakı şəhəri Binəqədi rayonu 179 saylı tam orta məktəbində təhsil alıb.

Hərbi xidmətdə

2020-ci ilin may ayında hərbi xidmətə gedib. Əsgəri xidmətinə Ağcabədi rayonunda başlayıb.

29 sentyabr 2020-ci ildə başlayan Vətən müharibəsi zamanı xidmət etdiyi hərbi hissənin tərkibində ön cəbhəyə gedib. Füzuli döyüşlərində iştirak edib.

Şəhid olması

8 oktyabr 2020-ci il tarixdə – 18 yaşında, Füzuli uğrunda gedən döyüşlər zamanı qarşı tərəfdən atılmış mərminin onun yaxınlığına düşüb partlaması nəticəsində qəhrəmancasına həlak olub.

9 oktyabr 2020-ci il tarixdə anasının doğulduğu Zaqatala rayonunun Qandaq kəndinin qəbiristanlığında dəfn edilib.

Təltif və mükafatları

• “Vətən uğrunda” medalı – ölümündən sonra (15.12.2020);
• “Xocavəndin azad olunmasına görə” medalı – ölümündən sonra (24.06.2021);
• “Füzulinin azad olunmasına görə” medalı – ölümündən sonra (05.11.2021).

Ailəsi

Ailədə iki bacı, iki qardaş olublar. Subay idi.

Ədəbiyyat

1. Azərbaycan Respublikası Prezidentinin Sərəncamı : Azərbaycan Respublikası Silahlı Qüvvələrinin hərbi qulluqçularının “Vətən uğrunda” medalı ilə təltif edilməsi haqqında : [arx. 15 Dec 2020 - 6 Oct 2021] // Azərbaycan Müdafiə Nazirliyi. — 2020. — 15 dekabr. — Müraciət tarixi: 21.12.2021.
2. Azərbaycan Respublikası Prezidentinin Silahlı Qüvvələrin hərbi qulluqçularının “Xocavəndin azad olunmasına görə” medalı ilə təltif edilməsi haqqında Sərəncamı (azərb.). https://mod.gov.az/. Azərbaycan Müdafiə Nazirliyi (24 İYUN 2021). Arxivləşdirilib (27 iyun 2021).
3. Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı : [arx. 05.11.2021] // Azərbaycan Müdafiə Nazirliyi. — 2021. — 5 noyabr. — Müraciət tarixi: 29.08.2022.
4. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : AYDIN Mustafa oğlu Əhmədli : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.