Rəvanə Qurbanova

Rəvanə Qurbanova
	Qurbanova (Arabova) Rəvanə Söhrab qızı
	Rəvanə Qurbanova.
Şəxsi məlumatlar
Digər adı	Revane Qurbanova
Doğum tarixi	21 iyun 1988 (36 yaş)
Doğum yeri	Şəki, Azərbaycan SSR, SSRİ
Vətəndaşlığı	SSRİ→ Azərbaycan
Peşəsi	solist
Atası	Söhrab Arabov
Anası	Leyla Arabova
Təhsili	• Azərbaycan Dövlət Mədəniyyət və İncəsənət Universiteti, musiqi sənəti fakültəsi, bakalavriat (2007–2011) • Azərbaycan Dövlət Mədəniyyət və İncəsənət Universiteti, magistratura (2011–2013)

Rəvanə Qurbanova — tanınmış solo-ifaçı, Beynəlxalq Muğam Mərkəzinin və Azərbaycan Dövlət Akademik Filarmoniyasının solisti.

Haqqında məlumatlar

21 iyun 1988-ci il tarixdə Şəkidə anadan olub.

Təhsili

2002-ci ildə Şəki şəhər 2 saylı uşaq musiqi məktəbinin xanəndəlik sinfini,

2006-cı ildə Şəki şəhər 19 saylı orta məktəbini bitirib.

2007 – 2011-ci illərdə Azərbaycan Dövlət Mədəniyyət və İncəsənət Universitetinin musiqi sənəti fakültəsində bakalavr pilləsi üzrə,

2011 – 2013-cü illərdə isə magistr pilləsi üzrə təhsil alıb.

Əmək fəaliyyəti

2019-cu ildən Beynəlxalq Muğam Mərkəzinin və Azərbaycan Dövlət Akademik Filarmoniyasının solistidir.

Sənət fəaliyyəti və uğurları

2007-ci ildə keçirilən Televiziya muğam müsabiqəsində III yeri tutub. Həmin il Azərbaycan Respublikası Prezidentinin mükafatına layiq görülüb, adı gənc istedadların “Qızıl kitabı”na daxil edilib.

2017-ci il dekabr ayının 10-da Azərbaycan Dövlət Akademik Opera və Balet Teatrının səhnəsində tamaşaya qoyulmuş Üzeyir Hacıbəyovun “Leyli və Məcnun” operasında baş rolu – Leyli rolunu ifa edib.

2018-ci ildə Beynəlxalq Muğam Mərkəzində “Vətənim” adlı solo-konserti olub.

2019-cu ildə Azərbaycan Dövlət Akademik Filarmoniyasında Azərbaycan Dövlət Xalq Çalğı Alətləri Orkestrinin müşayiəti ilə “Oxu tar” adlı solo-konserti olub.

2021-ci ilin may ayının 12 – 13-də Şuşa şəhərində keçirilmiş tarixi “Xarıbülbül” musiqi festivalında solo-ifaçı kimi iştirak edib.

Ailəsi

Ailəlidir, bir qızı və bir oğlu var.

Ədəbiyyat

Opera səhnəmizdə yeni Əsli və Leyli // Mədəniyyət : qəzet. — Bakı: Azərbaycan, 2017. — В. 1 dekabr. — Səh. 6. Arxivləşdirilib; arxivləşdirmə tarixi: 9 oktyabr 2021.