Tofiq Ağahüseynov

Tofiq Ağahüseynov
Ağahüseynov Tofiq Yaqub oğlu
Tofiq Ağahüseynov.
Doğum tarixi	1 fevral 1923(1923-02-01)
Doğum yeri	Nuxa, Nuxa qəzası, Azərbaycan SSR, ZSFSR, SSRİ
Vəfat tarixi	13 may 2021 (98 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Təhsili	Bakı Zenit Artilleriya Məktəbi (1941–1942) Dzerjinski adına Hərbi Akademiyaya (1949–1953) Hərbi Artilleriya Akademiyası (1953–1954)
Hərbi fəaliyyəti
Xidmət illəri	1941–1987, 1997–2002
Rütbə
Komandanlıq edib	zenit-raket polku, HHM 10-cu diviziya, HHM 12-ci korpus, HHM Zaqafqaziya hərbi dairəsi
Döyüşlər	Böyük Vətən müharibəsi
Təltifləri

Tofiq Ağahüseynov (1923–2021) — görkəmli sovet və Azərbaycan hərbçisi, general-polkovnik, SSRİ-də general-polkovnik rütbəsinə malik olmuş yeganə azərbaycanlı.

Haqqında məlumatlar

1 fevral 1923-cü il tarixdə Nuxada (indiki Şəki) anadan olub. 1930-cu ildə – yeddi yaşında, ailəsi Bakıya köçüb.

Təhsili

1941 – 1942-ci illərdə Bakı Zenit Artilleriya Məktəbində,

1949 – 1953-cü illərdə Dzerjinski adına Hərbi Akademiyada,

1953 – 1954-ci illərdə isə Hərbi Artilleriya Akademiyasında təhsil alıb.

Hərbi xidmətdə

Böyük Vətən müharibəsində (1941 – 1945) Birinci Belarusiya cəbhəsində vzvod-komandiri, əlahiddə zenit artilleriyası divizionu qərargah rəisinin köməkçisi olmuş, Visla-Oder və Berlin əməliyyatlarında iştirak etmişdir.

Vəzifələri

• 1942 — Tağım komandiri, Arxangelsk vilayəti;
• 1943 — Zenit artilleriyasının batareya komandiri, Arxangelsk vilayəti;
• 1944 — Əlahiddə Zenit-artilleriya divizionu qərargah rəisinin köməkçisi, Polşa, Almaniya;
• 1946 – 1949 — Zenit batareyası komandirinin müavini, Bakı;
• 1949 – 1953 — Dzerjiniski adına hərbi akademiyanın dinləyicisi, Moskva;
• 1953 – 1954 — Hərbi komandirlik artilleriya akademiyasının dinləyicisi, Leninqrad;
• 1954 – 1955 — Zenit artilleriya divizionunun komandiri, Bakı;
• 1955 – 1957 — HM Bakı dairəsi artilleriya qərargahının baş zabiti, Bakı;
• 1957 – 1960 — Zenit-artilleriya alayı komandirinin müavini, Bakı;
• 1960 – 1964 — Zenit-raket alayının komandiri, Bakı;
• 1964 – 1967 — HHM 10-cu diviziyasının komandir müavini, Volqoqrad;
• 1967 – 1969 — HHM 10-cu diviziyasının komandiri, Volqoqrad;
• 1969 – 1975 — HHM 12-ci korpusunun komandir müavini, Rostov-Don;
• 1975 – 1980 — HHM Bakı dairəsi qoşunları komandanının birinci müavini, Bakı;
• 1980 – 1982 — Zaqafqaziya Hərbi Dairəsi HHM komandanı, Tbilisi;
• 1982 – 1987 — Varşava müqaviləsi dövlətləri Birləşmiş Silahlı Qüvvələri komandanının CSSR HHM komandanı yanında nümayəndəsi, Praqa;
• 1987 – 1997 — hərbi xidmətdən təxris olunub;
• 1997 – 2002 — Azərbaycan Respublikası Prezidentinin Hərbi məsələlər üzrə köməkçisi, Bakı;
• 2002 — hərbi xidmətdən təxris olunub.

Rütbələri

• Leytenant (1942);
• Mayor (1954);
• Podpolkovnik (1956);
• Polkovnik (1960);
• General-mayor (1968);
• General-leytenant (1972);
• General-polkovnik (6 may 1980).

Vəfatı

13 may 2021-ci il tarixdə – 98 yaşında, Bakıda vəfat edib. Həmin gün İkinci Fəxri Xiyabanda dəfn olunub.

Ədəbyyat

1. Məmmədov Ə., Xalıqov F. Ağahüseynov Tofiq // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 29 – 30. — 1.000 nüsx.