Ənvər Mikayılzadə

Ənvər Mikayılzadə
Mikayılzadə Ənvər İsmayıl oğlu
Ənvər Mikayılzadə.
Anadan olub	13 yanvar 1933(1933-01-13)
Anadan olduğu yer	Nuxa (indiki Şəki), Azərbaycan SSR, ZSFSR, SSRİ
Vəfat edib	12 oktyabr 2009 (76 yaşında)
Vəfat etdiyi yer	Şəki, Azərbaycan
Vətəndaşlıq	SSRİ→ Azərbaycan
Təhsili	Nuxa Pedaqoji Texnikumu ( – 1953) S.M.Kirov adına Azərbaycan Dövlət Universitetində (indiki Bakı Dövlət universiteti) Bakı Ali Partiya Məktəbi(az)
Mükafatları

Ənvər Mikayılzadə (1933–2009) — jurnalist, müxtəlif illərdə “Şəki fəhləsi” qəzetinin redaktoru və Azərinform/AzərTac informasiya agentliyinin bölgə müxbiri kimi məsul vəzifələrdə fəaliyyət göstərib. 1990-cı ildə – Azərinformin 70 illik yubileyi münasibəti ilə “Azərbaycan SSR əməkdar jurnalisti” fəxri adına layiq görülmüşdür.

Haqqında məlumatlar

13 yanvar 1933-cü il tarixdə Nuxada (indiki Şəki) anadan olub.

Təhsili

Nuxa şəhər 4 №-li məktəbində oxuyub.

1953-cü ildə Nuxa Pedaqoji Texnikumunu bitirib.

S.M.Kirov adına Azərbaycan Dövlət Universitetində (indiki Bakı Dövlət universiteti),

Bakı Ali Partiya Məktəbində^(az) təhsil alıb.

Əmək fəaliyyəti

Azərbaycan KP Nuxa/Şəki şəhər partiya komitəsində texniki katib, katib köməkçisi, təlimatçı, partiya komissiyasının sədri,

“Lenin bayrağı”/“Şəki fəhləsi” qəzetinin şöbə müdiri vəzifəsində çalışıb.

1974 – 1979-cu illərdə “Şəki fəhləsi” qəzetinin redaktoru və Azərbaycan KP Şəki şəhər partiya komitəsi bürosunun üzvü olub.

1985-ci ildən Azərinformun, daha sonralar isə AzərTacın bölgə müxbiri olmuş, həmçinin, Şəki Kənd Təsərrüfatı Texnikumunda direktor müavini vəzifəsində çalışmışdır.

Vəfatı

12 oktyabr 2009-cu il tarixdə – 76 yaşında, Şəkidə vəfat edib.

Ədəbiyyat

1. Şükürov R., Orsər R. Mikayılzadə Ənvər İsmayıl oğlu // İşıq məbədi. — Bakı: İdeal-Print, 2010. — Səhifələrin sayı:  310. — Səh.: 207. — (Ş 4702060200). — 1.000 nüsx. — ISBN 978995244710.