Rövşən Əfəndizadə

Rövşən bəy Əfəndizadə
	Əfəndizadə Rövşən bəy Mustafa oğlu
	Rövşən bəy Əfəndizadə, 1918/1919-cu illər.
Anadan olub	12 yanvar 1885 (Yuli təqvimi ilə 31 dekabr 1884)
Anadan olduğu yer	Nuxa, Nuxa qəzası, Yelizavetpol quberniyası, Rusiya İmperiyası
Vəfat edib	+1920

Rövşən Əfəndizadə (1885–+1918/1919) — XX-ci əsrin birinci və ikinci onilliklərində Cənubi Qafqazda fəaliyyət göstərmiş pedaqoq (rus dili müəllimi) və tanınmış ictimai-siyasi xadim.

Haqqında məlumatlar

12 yanvar 1885-ci il tarixdə (Yuli təqvimi ilə 31 dekabr 1884-cü il) Nuxada anadan olub.

Təhsili

Əvvəl Nuxa ibtidai “müsəlmani-rusi” (rus-tatar) məktəbində,

1896-cı ildən Nuxa rüşdiyyəsində (progimnaziya tipli məktəb),

1901 – 19003-cü illərdə Bakı Sənaye Məktəbində təhsil alıb.

Əmək fəaliyyəti

1904-cu ildən, əvvəl Nuxada, sonra bir il Qazaxda,

1908-ci ildən 1917-ci ilin ortalarınadək Tiflisdə,

1917-ci ilin ikinci yarısından isə Bakıda müxtəlif məktəblərdə rus dili müəllimi işləyib.

Az sonra Hacıbəyli qardaşları müdiriyyətinə mübaşir (teatrın icraçı direktoru) təyin olunub.

Siyasi-ictimai fəaliyyəti

1905-ci ildə Yelizavetpol qeneral-qubernatoru Rövşən bəy Əfəndizadənin Qafqazdan sürgün edilməsini əmr imzalamışdı. Lakin o dövrün nüfuzlu azərbaycanlılarının xahişlərindən sonra əmrini ləğv edib.

1915-cu ilin Tiflis mətbuatında Rövşən bəyin adı Məhəmmədəmin Rəsulzadə, Əlimərdan bəy Topçubaşov kimi görkəmli ziyalılarla birlikdə, gürcü şairi, yazıçısı, mütəfəkkiri Akaki Sereteli Tiflisdə dəfn mərasimində çıxış etmiş şəxslərdən biri kimi çəkilib.

Rusiyada 1917-ci il Fevral burjua inqilabından sonra Rövşən bəy Tiflis Müsəlman Milli Komitəsi İcraiyyə Komitəsinin, Qafqaz Hərbi Şurasının üzvü olub. Həmin ilin ortalarında Tiflisdən İstanbula göndərilmiş rəsmi nümayəndə heyətinin tərkibində yer alıb. Osmanlı sultanı ilə şəxsən görüşüb.

Aqibəti

Bəzi məlumatlara görə 1930-cu illərdə Stalin repressiyasının qurbanı olub.

Ədəbiyyat

Məhəmmədov mustafa Mirhəsən oğlu // Şəkidə məhəllə adları, soyadlar və ləğəblər / Zəkəriyyə Əlizadə və Sevinc Bəharəddin qızı. — AMEA Şəki Regional Elmi Mərkəzi. — Bakı: Nafta–Press, 2004. — 2 kitab. — I kitab. — Səhifələrin sayı: 345. — Səh.: 58. — 550 nüsx.
Məhəmməd əfəndinin // Şəkidə məhəllə adları, soyadlar və ləğəblər / Zəkəriyyə Əlizadə və Sevinc Bəharəddin qızı. — AMEA Şəki Regional Elmi Mərkəzi. — Bakı: Nafta–Press, 2004. — 2 kitab. — I kitab. — Səhifələrin sayı: 345. — Səh.: 135. — 550 nüsx.
Tahirzadə Ə. Sultanla görüşmüş Rövşən Bəy Əfəndizadə kimdir? // Məmmədov A. Şəkinin səsi : qəzet. — “Azərbaycan” nəşriyyatı, 2011. — В. 30 may. — № 2 (438). — Səh. 1. Arxivləşdirilib; arxivləşdirmə tarixi: 23 Mar 2019 - 10 Jan 2022.
Bəkirov N. http://anl.az/el/Kitab/2018/09/cd/Ar2018-1103.pdf // Azərbaycan-Gürcü ədəbi əlaqələri və Molla Cümə yaradıcılığı. — Azərbaycan Milli Elmlər Akademiyası Nizami Gəncəvi adına Ədəbiyyat İnstitutu. — Bakı: Nafta-Press, 2018. — Səhifələrin sayı: 226. — 500 nüsx. Arxivləşdirilib; arxivləşdirmə tarixi: 10 yanvar 2022.
Sultanla görüşmüş Rövşən Bəy Əfəndizadə kimdir? : [arx. 1 Mar 2021 - 17 Jul 2021] // Şəki tarixi. — Müraciət tarixi: 10.01.2022.