Fərman Hacıyev

Fərman Hacıyev
	Hacıyev Fərman Mustafa oğlu
	Fərman Hacıyev.
Doğum tarixi	15 noyabr 1929
Doğum yeri	Nuxa (indiki Şəki), Azərbaycan SSR, ZSFSR, SSRİ
Təhsili	• M.Əzizbəyov adına Azərbaycan Sənaye İnstitu, inşaatçı fakültəsi (1947–1950) • Azərbaycan Polutexnik İnstitutu, inşaatçı fakültəsi (1950–1953)
Həyat yoldaşı	Hacıyeva Tamella Allahyar qızı
Atası	Hacıyev Mustafa Hacıhəmid oğlu
Anası	Hacıyeva Mina Məmmədsadıq qızı
Mükafatları

Fərman Hacıyev (1929–) — dəniz neft-qaz mədən qurğularının hesablanması və layihələndirilməsi üzrə tanınmış mütəxəssis, texnika elmləri namizədi və professor.

Haqqında məlumatlar

15 noyabr 1929-cu il tarixdə Nuxada (indiki Şəki) anadan olub.

Təhsili

1937 – 1947-ci illərdə Nuxa şəhər 10 №-li orta məktəbində,

1947 – 1950-ci illərdə M.Əzizbəyov adına Azərbaycan Sənaye İnstitunun inşaatçı fakültəsində,

1950 – 1953-cü illərdə isə Azərbaycan Sənaye İnstitunun bazasında yeni yaradılmış Azərbaycan Polutexnik İnstitutunun inşaatçı fakültəsində təhsil alıb.

Elmi fəaliyyəti

1960-cı ildə texnika elmləri namizədi elmi dərəcəsini,

1978-ci ildə baş elmi işçi elmi adını alıb.

Neft-qaz mədən qurğularının hesablanması və layihələndirilməsi üzrə 200-dən çox elmi əsərin müəllifidir. 12 nəfər elmlər namizədi yetişdirmişdir.

Əmək fəaliyyəti

1953-cü ildən Bakıdakı “Qipromorneft” Elmi-Tədqiqat Layihə İnstitunda mühəndis-konstruktor,

1956-cı ildən böyük mühəndis,

1959-cu ildən layihə baş mühəndisi,

1961-ci ildən böyük elmi işçi,

1963-cü ildən dəniz neft yataqlarının strukturları şöbəsinin rəhbəri,

1979-cu ildən institutun baş mütəxəssisi,

1981-ci ildən Azərbaycan İnşaatçı Mühəndislər İnstitutunun işaat konstruksiyaları kafedrasında dosent,

1984-cü ildən Azərbaycan İnşaatçı Mühəndislər İnstitutunun işaat konstruksiyaları kafedrasında professor,

1991-ci ildən Azərbaycan Dövlət Neft Akademiyasında professor vəzifəsində çalışıb.

Təltif və mükafatları

“Leninin yubiley” medalı (1970);

İctimai-siyasi aktivliyi

1971-ci ildən Sov.İKP-nin üzvü olub.

“Azərbaycan neft təsərrüfatı” yurnalının redaksiya şurasının və “Dənizneftqazlayihə” İnstitutu Elmi Şurasının üzvü,

Azərbaycan Dövlət Neft Akademiyasında dissertasiya müdafiəsi üzrə ixtisaslaşmış Elmi Şuranın sədr müavini,

Azərbaycan İnşaat Mühəndisləri Universitetində dissertasiya müdafiəsi üzrə İxtisaslaşmış Elmi Şuranın üzvü idi.

Ədəbiyyat

İmran və Fərman Hacıyevlərin şəxsi işləri. — Müraciət tarixi: 10.12.2023.
Məmmədov Ə., Xalıqov F. Hacıyev Fərman // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 216-217. — 1.000 nüsx.