Fərman Hacıyev

Fərman Hacıyev
	Hacıyev Fərman Mustafa oğlu
	Fərman Hacıyev.
Doğum tarixi	15 noyabr 1929
Doğum yeri	Nuxa (indiki Şəki), Azərbaycan SSR, ZSFSR, SSRİ
Vəfat tarixi	18 avqust 2002 (72 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Elmi dərəcəsi	texnika elmləri doktoru
Elmi adı	professor
Təhsili	• M.Əzizbəyov adına Azərbaycan Sənaye İnstitutu, inşaatçı fakültəsi (1947–1950) • Azərbaycan Politexnik İnstitutu, inşaatçı fakültəsi (1950–1953)
Həyat yoldaşı	Hacıyeva Tamella Allahyar qızı
Atası	Hacıyev Mustafa Hacıhəmid oğlu
Anası	Hacıyeva Minayə Məmmədsadıq qızı
Mükafatları
Adının digər versiyaları	Ferman Haciyev, Farman Haciyev, Фарман Гаджиев, Ферман Гаджиев, Фәрман Һаҹыјев

Fərman Hacıyev (1929–2002) — dəniz neft-qaz mədən qurğularının hesablanması və layihələndirilməsi üzrə tanınmış mütəxəssis, texnika elmləri doktoru və professor. Texnika elmləri namizədi, Azərbaycan SSR Dövlət mükafatı laureatı İmran Hacıyevin (1929–2002) əkiz qardaşıdır.

Haqqında məlumatlar

15 noyabr 1929-cu il tarixdə^{[qeyd 1]} Nuxada (indiki Şəki) anadan olub.

Təhsili

1937 – 1947-ci illərdə Nuxa şəhər 10 №-li orta məktəbində,

1947 – 1950-ci illərdə M.Əzizbəyov adına Azərbaycan Sənaye İnstitutunun inşaatçı fakültəsində,

1950 – 1953-cü illərdə isə Azərbaycan Sənaye İnstitutunun bazasında yeni yaradılmış Azərbaycan Politexnik İnstitutunun inşaatçı fakültəsində təhsil alıb.

Elmi fəaliyyəti

1960-cı ildə texnika elmləri namizədi elmi dərəcəsini,

1991-ci ildə texnika elmləri doktoru elmi dərəcəsini alıb.

Neft-qaz mədən qurğularının hesablanması və layihələndirilməsi üzrə 200-dən çox elmi əsərin müəllifidir. 12 nəfər elmlər namizədi yetişdirmişdir.

Əmək fəaliyyəti

1953-cü ildən “Qipromorneft” (“Dənizneftqazlayihə”) Elmi-Tədqiqat Layihə İnstitutunda (Bakı) mühəndis-konstruktor,

1956-cı ildən böyük mühəndis,

1959-cu ildən layihə baş mühəndisi,

1961-ci ildən böyük elmi işçi,

1963-cü ildən dəniz neft yataqlarının strukturları şöbəsinin rəhbəri,

1979-cu ildən institutun baş mütəxəssisi,

1991-ci ildən sonra “Dənizneftqazlayihə” Elmi-Tədqiqat İnstitutunun direktoru vəzifəsində çalışıb.

Pedaqoji fəaliyyəti

1981-ci ildən Azərbaycan İnşaat Mühəndisləri İnstitutunun inşaat konstruksiyaları kafedrasında dosent,

1984-cü ildən Azərbaycan İnşaat Mühəndisləri İnstitutunun inşaat konstruksiyaları kafedrasında professor,

1991-ci ildən Azərbaycan Dövlət Neft Akademiyasında professor vəzifəsində çalışıb.

Təltif və mükafatları

“Leninin yubiley” medalı (1970).

İctimai-siyasi aktivliyi

1971-ci ildən Sov.İKP-nin üzvü olub.

“Azərbaycan neft təsərrüfatı” jurnalının redaksiya şurasının üzvü,

“Dənizneftqazlayihə” İnstitutu Elmi Şurasının üzvü,

Azərbaycan Dövlət Neft Akademiyasında dissertasiya müdafiəsi üzrə ixtisaslaşmış Elmi Şuranın sədr müavini,

Azərbaycan İnşaat Mühəndisləri Universitetində dissertasiya müdafiəsi üzrə İxtisaslaşmış Elmi Şuranın üzvü idi.

Vəfatı

18 avqust 2002-ci il tarixdə – 72 yaşında, Bakıda vəfat edib.

Qeyd

↑ ^1,0 ^1,1 Əkiz qardaşı İmran Hacıyevin (1929–2017) sənədlərində isə təvəllüd tarixi 1 ay fərqlidir: 15 dekabr 1929-cu il. Görünür sənıdləşmə zamanı əkizlərdən hansınınsa doğum tarixində texniki səhvə yol verilmişdir.

Ədəbiyyat

İmran və Fərman Hacıyevlərin şəxsi işləri. — Müraciət tarixi: 10.12.2023.
Məmmədov Ə., Xalıqov F. Hacıyev Fərman // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 216-217. — 1.000 nüsx.

[Q1-1] 1,0 ^1,1 Əkiz qardaşı İmran Hacıyevin (1929–2017) sənədlərində isə təvəllüd tarixi 1 ay fərqlidir: 15 dekabr 1929-cu il. Görünür sənıdləşmə zamanı əkizlərdən hansınınsa doğum tarixində texniki səhvə yol verilmişdir.

[qeyd 1]