Hikmət Hacızadə

Hikmət Hacızadə
Hacızadə Hikmət Əbdürrəhim oğlu
Hikmət Hacızadə
Hikmət Hacızadə
Doğum tarixi	11 noyabr 1954 (1954-11-11)
Doğum yeri	Bakı, Azərbaycan SSR, SSRİ
Atası	Əbdürrəhim Hacızadə
Həyat yoldaşı	Bahar Hacızadə
Uşağı	oğlu: Adnan Hacızadə
Vətəndaşlıq	SSRİ→ Azərbaycan
Peşəsi	fizika-riyaziyyat elmləri namizədi
Milliyyəti	azərbaycanlı
İxtisası	fizik
Təhsili	S.M.Kirov adına Azərbaycan Dövlət Universiteti, fizika fakültəsi ( – 1977)
Fəaliyyəti	siyasətçi
Partiya	Azərbaycan Xalq Cəbhəsi Partiyası (1988 – 1993) Müsavat Partiyası (1993 – 2015)
Commonsda da Hikmət Hacızadə ilə əlaqəli mediafayllar var

Hikmət Hacızadə − ictimai-siyasi xadim; Azərbaycan Respublikası baş nazirinin sabiq müavini və Azərbaycanın Rusiya Federasiyasındakı səlahiyyətli nümayəndəsi (1992 − 1993).

Haqqında ətraflı məlumatlar

11 niyabr 1954-cü il tarixdə Bakıda anadan olub.

Təhsili

1977-ci ildə S.M.Kirov adına Azərbaycan Dövlət Universiteti fizika fakültəsini bitirib.

Əmək fəaliyyəti

1977-ci ildən Azərbaycan SSR EA Fizika İnstitutunda əvvəl kiçik elmi işçi, sonra isə böyük elmi işçi vəzifəsində çalışıb.

1992 − 1993-cü illərdə Azərbaycan Respublikasının baş nazirin müavini və Azərbaycanın Rusiya Federasiyasındakı səlahiyyətli nümayəndəsi olub.

Elmi fəaliyyəti

1983-cü ildə Moskvada namizədlik dissertasiyasını müdafiə edib.

İctimai-siyasi fəaliyyəti

1988-ci ildən Azərbaycanın istiqlal hərəkatında fəal iştirak etmiş, Azərbaycan Xalq Cəbhəsinin yaradıcılarından biri, birinci İdarə Heyətinin üzvü, AXC-nin “Svoboda” qəzetinin redaktoru olmuşdur.

1993-cü ildən Müsavat Partiyasının və onun Divanının üzvüdür. Demokratiya və İnsan haqları barəsində biliklərin yayılması ilə məşğul olan İqtisadi və Siyasi Araşdırmalar Mərkəzinin (FAR-Centre) qurucusu və vitse-prezidentidir. Xalq Cəbhəsi və Müsavat Partiyasının nizamnamə və məramnamələrinin tərtibçilərindən biri, “keçid dövrü”nün problemləri, insan haqları tarixi və nəzəriyyəsi üzrə çoxsaylı məqalə və kitabçaların müəllifidir.

Demokratiya problemlərinə həsr olunmuş Azərbaycanda ilk esse olan “Demokratiya haqqında 150 000 işarə” kitabı 1995-ci ildə nəşr edilib. “İnsan Haqları − bəşəriyyətin əsas ideyası” (1997), “Demokratiya: Gediləsi uzun bir yol” (Demokratiya Antalogiyası) və başqa kitabların müəllifidir.

Ailəsi

Evlidir, bir oğlu var.

Ədəbiyyat

• Məmmədov Ə., Xalıqov F. Hacızadə Hikmət // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 211. — 1.000 nüsx.