Tofiq Ağahüseynov

Tofiq Ağahüseynov
Ağahüseynov Tofiq Yaqub oğlu
Tofiq Ağahüseynov.
Doğum tarixi	1 fevral 1923 (1923-02-01)
Doğum yeri	Nuxa, Nuxa qəzası, Azərbaycan SSR, ZSFSR, SSRİ
Vətəndaşlıq	SSRİ→ Azərbaycan
Təhsili	Bakı Zenit Artilleriya Məktəbi (1941 – 1942) Dzerjinski adına Hərbi Akademiyaya (1949 – 1953 ) Hərbi Artilleriya Akademiyası (1953 – 1954)
Hərbi fəaliyyəti
Xidmət illəri	1941 – 1987, 1997 – 2002
Rütbə
Komandanlıq edib	zenit-raket polku, HHM 10-cu diviziya, HHM 12-ci korpus, HHM Zaqafqaziya hərbi dairəsi
Döyüşlər	Böyük Vətən müharibəsi
Təltifləri

Tofiq Ağahüseynov – sovet və Azərbaycan hərbi komandiri, dövlət xadimi, general-polkovnik. SSRİ-də general-polkovnik rütbəsinə malik olmuş yeganə azərbaycanlı.

Haqqında məlumatlar

1 fevral 1923-cü il tarixdə Nuxada (indiki Şəki) anadan olub. 1930-cu ildə – yeddi yaşında, ailəsi Bakıya köçüb.

Təhsili

1941 – 1942-ci illərdə Bakı Zenit Artilleriya Məktəbində,

1949 – 1953-cü illərdə Dzerjinski adına Hərbi Akademiyada,

1953 – 1954-ci illərdə isə Hərbi Artilleriya Akademiyasında təhsil alıb.

Hərbi xidmətdə

Böyük Vətən müharibəsində (1941 – 1945) Birinci Belarusiya cəbhəsində vzvod-komandiri, əlahiddə zenit artilleriyası divizionu qərargah rəisinin köməkçisi olmuş, Visla-Oder və Berlin əməliyyatlarında iştirak etmişdir.

Vəzifələri və rütbələri

İllər	Tutduğu vəzifə	Yerləşdiyi yer	Rütbəsi
1942	Tağım komandiri	Arxangelsk vilayəti	Leytenant
1943	Zenit artilleriyasının batareya komandiri	Arxangelsk vilayəti	Leytenant
1944	Əlahiddə zenit-artilleriya divizionu qərargah rəisinin köməkçisi	Polşa, Almaniya	Leytenant
1946	Zenit batareyası komandirinin müavini	Bakı	baş leytenant
1947 – 1949	Zenit batareyası komandirinin müavini	Bakı	kapitan
1949 – 1953	Dzerjiniski adına hərbi akademiyanın dinləyicisi	Moskva	mayor
1953 – 1954	Hərbi komandirlik artilleriya akademiyasının dinləyicisi	Leninqrad	mayor
1954 – 1955	Zenit artilleriya divizionunun komandiri	Bakı	mayor
1955 – 1957	HHM Bakı dairəsi artilleriya qərargahının baş zabiti	Bakı	podpolkovnik
1957 – 1960	Zenit-artilleriya alayı komandirinin müavini	Bakı	podpolkovnik
1960 – 1964	Zenit-raket alayının komandiri	Bakı	polkovnik
1964 – 1967	HHM 10-cu diviziyasının komandir müavini	Volqoqrad	polkovnik
1967 – 1969	HHM 10-cu diviziyasının komandiri	Volqoqrad	general-mayor
1969 – 1975	HHM 12-ci korpusunun komandir müavini	Rostov-Don	general-mayor
1975 – 1980	HHM Bakı dairəsi qoşunları komandanının birinci müavini	Bakı	general-mayor
1980 – 1982	Zaqafqaziya Hərbi Dairəsi HHM komandanı	Tbilisi	general-mayor
1982 – 1987	Varşava müqaviləsi dövlətləri Birləşmiş Silahlı Qüvvələri komandanının CSSR HHM komandanı yanında nümayəndəsi	Praqa	general-polkovnik
1997 – 2002	Azərbaycan Respublikası Prezidentinin Hərbi məsələlər üzrə köməkçisi	Praqa	general-polkovnik

Rütbələri

• Leytenant (1942);
• Mayor (1954);
• Podpolkovnik (1956);
• Polkovnik (1960);
• General-mayor (1968);
• General-leytenant (1972);
• General-polkovnik (6 may 1980).

Ədəbyyat

• Məmmədov Ə., Xalıqov F. Ağahüseynov Tofiq // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 29 – 30. — 1.000 nüsx.