Lalə Hüseynova

Lalə Hüseynova
	Hüseynova Lalə Şirməmməd qızı
	Lalə Hüseynova
	Lalə Hüseynova.şş
Şəxsi məlumatlar
Doğum tarixi	20 oktyabr 1962
Doğum yeri	Bakı, Azərbaycan SSR, SSRİ
Vətəndaşlığı	SSRİ→ Azərbaycan
Atası	Şirməmməd Hüseynov
Anası	Ülkər Hüseynova
Təhsili	Ü.Hacıbəyov adına Azərbaycan Dövlət Konservatoriyası, tarix-nəzəriyyə fakültəsi (1980–1985)
Elmi dərəcəsi	sənətşünaslıq elmləri namizədi
Elmi adı	professor
Mükafatları

Lalə Hüseynova — tanınmış musiqişünas-pedaqoq, sənətşünaslıq elmləri namizədi, professor, Azərbaycan Respublikasının əməkdar incəsənət xadimi, Azərbaycan Milli Konservatoriyasının elmi işlər üzrə prorektoru.

Haqqında məlumatlar

20 oktyabr 1962-ci il tarixdə Bakıda anadan olub.

Təhsili

1969 – 1980-cı illərdə Bülbül adına orta ixtisas məktəbində,

1980 – 1985-ci illərdə Ü.Hacıbəyov adına Azərbaycan Dövlət Konservatoriyasının tarix-nəzəriyyə fakültəsində təhsil alıb.

Əmək fəaliyyəti

1985-ci ildə Azərbaycan Bəstəkarlar İttifaqında baş məsləhətçi kimi əmək fəaliyyətinə başlayıb; o cümlədən,

1990-cı ildən İdarə Heyətinin üzvü,

2002-ci ildən ittifaqın məsul katibi olub.

2015-ci ildən Azərbaycan Milli Konservatoriyasının elmi işlər üzrə prorektorudur.

İkinci iş yerləri

Bakı Musiqi Akademiyasında və Heydər Əliyev adına Müasir Təhsil Kompleksində dərs deyib.

Digər

1986-cı ildən Azərbaycan televiziyasında göstərilmiş müxtəlif silsilə-musiqi verilişlərinin, ayrı-ayrı musiqiçilərin yaradıcılıqlarına həsr olunmuş verilişlərin, o cümlədən,

2005-ci ildən “AzTV” televiziya kanalında göstərilən “Kino və musiqi” verilişinin ssenari müəllifi və aparıcısıdır.

Təltif və mükafatları

“Azərbaycan Respublikasının əməkdar incəsənət xadimi” fəxri adı – Azərbaycan Milli Konservatoriyasının 20 illiyi münasibətilə və Azərbaycanda milli musiqi təhsilinin inkişafındakı xidmətlərinə görə (2020).

Ədəbiyyat

Məmmədov Ə., Xalıqov F. Hüseynova Lalə // Şəki: Alim və ziyalılar. — Bakı: Elm, 2007. — 2 cilddə. — II cild. — Səhifələrin sayı: 428. — Səh.: 176-177. — 600 nüsx. — ISBN 5-8066-1708-4.
"Hüseynova lalə". http://konservatoriya.az (azərb.). “Konservatoriya” jurnalı. 23 Mar 2018 – 17 Jan 2021 tarixində arxivləşdirilib.