Ellada Axundova

Ellada Axundova
Axundova Ellada Mirəli qızı
Ellada Axundova.
Doğum tarixi	22 oktyabr 1940 (1940-10-22)
Doğum yeri	Bakı, Azərbaycan SSR, SSRİ
Vətəndaşlıq	SSRİ→ Azərbaycan
İş yeri	Bakı Dövlət Universiteti, biologiya fakültəsi, genetika və darvinizm kafedrası
Elmi dərəcəsi	biologiya elmləri doktoru
Elmi adı	professor
Təhsili	• S.M.Kirov adına Azərbaycan Dövlət Universiteti (1957–1962)  • Azərbaycan SSR EA Genetika və Seleksiya İnstitutu, aspirantura (1962–1964)
Atası	Mirəli Axundov
Mükafatları

Ellada Axundova — tanınmış bioloq-alim, biologiya elmləri doktoru, Bakı Dövlət Universitetinin biologiya fakültəsinin genetika və darvinizm kafedrasının professoru.

Haqqında məlumatlar

22 oktyabr 1940-ci il tarixdə Bakıda anadan olub.

Təhsili

1957-ci ildə Bakı şəhər 189 №-li orta məktəbi bitirib.

1957 – 1962-ci illərdə S.M.Kirov adına Azərbaycan Dövlət Universitetində,

1962 – 1964-cü illərdə isə Azərbaycan SSR EA Genetika və Seleksiya İnstitutunun aspiranturasında təhsil alıb.

Əmək fəaliyyəti

1967 – 1987 illərdə Azərbaycan SSR EA-nın Genetika və Seleksiya İnstitutunda baş elmi işçi,

1987 – 1988 illərdə «Üzüm və tut bitkisinin genetikası və seleksiyası» şöbəsinin müdiri vəzifəsində çalışıb.

1988-ci ildən S.M.Kirov adına Azərbaycan Dövlət Universitetinin/Bakı Dövlət Universitetinin biologiya fakültəsinin genetika və darvinizm kafedrasının professorudur; genetika, təkamül təlimi, immun genetikası, somatik hüceyrələrin genetikası və təkamül genetikası fənləri üzrə dərslərini aparır.

Elmi fəaliyyəti

1966-cı ildə namizədlik dissertasiyasını,

1986-cı ildə doktorluq dissertasiyasını müdafiə edib.

114 məqalə və tezis, 1 monoqrafiya, 2 kitabın müəllifidir.

Üç elmlər namizədi yetişdirmişdir.

Kitabları

• Poliploidiya və DNT (monoqrafiya, rus), «Elm», 1983, 107 s.
• Ekoloji genetika. Dərs vəsaiti, «Təhsil», 2004, 2006, 263 s.

Mükafatları

Sov.İKP Mərkəzi Komitəsinin SSRİ Nazirlər Sovetinin Mərkəzi Həmkarlar Təşkilatının Fəxri Fərmanı, Bakı Dövlət Universitetinin Fəxri Fərmanları ilə (2000, 2002) təltif edilmişdir.

• “Əmək veteranı” medalı (1988).

Ailəsi

Görkəmli bioloq-alim Mirəli Axundovun qızıdır.

Ailəlidir. İki övladı və dörd nəvəsi var.

Ədəbiyyat

1. Məmmədov Ə., Xalıqov F. Axundova Ellada // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 55-56. — 1.000 nüsx.
2. "Prof. Axundova Ellada Mirəli qızı". http://biology.bsu.edu.az/ (azərb.). Bakı Dövlət Universiteti. 7 Jul 2010 – 20 Feb 2020 tarixində arxivləşdirilib.