Mahmud İsmayılov

Mahmud İsmayılov
İsmayılov Mahmud Əliabbas oğlu
Mahmud İsmayılov
Mahmud İsmayılov
Doğum tarixi	1 sentyabr 1920(1920-09-01)
Doğum yeri	Nuxa, Nuxa qəzası, Azərbaycan SSR
Vəfat tarixi	16 avqust 2001 (80 yaşında)
Vətəndaşlıq	SSRİ→ Azərbaycan
Elm sahəsi	tarix
Təhsili	S.M.Kirov adına Azərbay­can Döv­lət Uni­versitetinin tarix fa­kü­ltəsi ( – 1941)
Mükafatları

Mahmud İsmayılov (1 sentyabr 1920 – 16 avqust 2001) — Azərbaycan tarixçisi. Azərbaycan Milli Elmlər Akademiyasının müx­­bir üzvü

Haqqında məlumatlar

1 sentyabr 1920-ci il tarixdə Nuxa şəhərində anadan olub.

Təhsili

1941-ci ildə S.M.Kirov adına Azərbay­can Döv­lət Uni­versitetinin tarix fa­kü­ltəsini bitirib.

Əmək fəaliyyəti

1946-cı ildə Azərbaycan SSR EA-nın Tarix İnstitutunda laborant kimi işə başlamış, ömrünün sonunadək həmin institutda işləmişdir; vəfat edərkən Azərbaycan MEA Tarix institutunun elmi işlər üzrə direktor müavini və Azər­baycanın yeni tarixi şöbəsinin müdiri idi.

Elmi fəaliyyəti

1949-cu ildə elmlər namizədi,

1962-ci ildə isə elmlər doktoru elmi dərəcəsi alıb.

1983-cü ildə Azər­baycan SSR Elmlər Aka­demiyasının müxbir üzvü seçilib.

Elmi yaradıcılığının əsas istiqaməti XIX-XX əsrin əvvəllə­rin­də Şimali Azərbaycanda kapitalizmin genezisi və inkişafı, kənd təsərrüfa­tının tarixi prob­lem­­lə­ri­nin tədqiqi olmuşdur. Onun «Azər­bay­can dövlət kəndliləri XIX əsrin sonunda» (1957), «XX əsrin əvvəllərində Azər­bay­ca­nın kənd təsərrü­fatı» (1960), «XIX əsrin sonu və XX əs­rin əvvəllə­rində Azərbaycanın kənd təsər­rü­fa­tında kapita­lizm» (1964), «İm­­perializm döv­ründə Azər­bay­canın so­sial-iqti­sadi struk­tu­ru» (1982) və b. əsər­lə­rin­də Şimali Azər­bay­canın kənd təsərrüfatı və iqtisadiyyatının bir sıra elmi problemləri öz əksini tapmışdır.

M.İsmayılov 3 cildlik «Azərbaycan ta­rixi»nin əsas müəlliflərindən biri, 7 cildlik «Azə­rbaycan tarixi»nin IV və V cildlərinin mə­sul redaktoru olmuşdur. Onun 1992-ci ildə çap­dan çıxmış «Azərbaycan tarixi» əsəri də­fə­lərlə nəşr olun­muşdur.

M.İsmayılov Moskvada nəşr olun­muş «SSRİ-də tarix elminin tarixi» (1955), «Qaf­qaz xalqları» (1962) və b. əsərlərin ya­zıl­ma­sın­da yaxından iştirak etmişdir. O, An­ka­ra, Kay­seri, Paris, Roma, Moskva və baş­qa şə­hər­lərdə keçirilən beynəlxalq elmi kon­frans­­lar­da iştirak etmişdir.

M.İsmayılovun rəhbərliyi ilə 25-dək na­­mizədlik və doktorluq disser­tasi­ya­sı mü­da­­fiə olunmuşdur.

Bədii yaradıcılığı

“Ağ yapıncı”, “Xaqani”, “El üçün yan”, “İki od arasında” adlı tarixi, “Sənin ulu baban” adlı xronoloji romanların müəllifidir.

Vəfatı

16 avqust 2002-ci il tarixdə Bakıda vəfat edib.

Vəfatı münasibəti ilə Azərbaycan Respublikasının rəsmi kütləvi informasiya vasitələrində Azərbaycan Respublikasının Prezidenti Heydər Əliyevin, Azərbaycan Respublikasının Milli Məclisin sədri Murtuz Ələsgərovun, Azərbaycan Respublikasının Baş Naziri Artur Rasizadənin və başqa görkəmli şəxslərin imzası ilə nekroloq dərc olunmuşdur.

Təltif və mükafatları

• “1941-1945-ci illər Böyük Vətən müharibəsində Almaniya üzərində qələbəyə görə” medalı.
• “Qafqazın müdafiəsinə görə” medalı.

İstifadə edilmiş mənbələr

• "Vəfat etmiş müxbir üzvlər/İsmayilov Mahmud Əliabbas oğlu". science.gov.az (azərb.). Azərbaycan Milli Elmlər Akademiyası. 19 Sep 2018 – 22 Jul 2019 tarixində arxivləşdirilib.
• Məmmədov Ə., Xalıqov F. İsmayılov Mahmud // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 284 – 286. — 1.000 nüsx.