Loğman Əbdülkərimli

Loğman Əbdülkərimov
Əbdülkərimli Loğman Şəfaət oğlu
Loğman Əbdülkərimli, 2019-cu il.
Doğum tarixi	22 mart 1939 (1939-03-22)
Doğum yeri	Baş Küngüt, Nuxa rayonu, Azərbaycan SSR, SSRİ
Vətəndaşlıq	SSRİ→ Azərbaycan SSR
İş yeri	Azərbaycan Dövlət Pedaqoji İnstitutu
Elmi dərəcəsi	fizika-riyaziyyat elmləri namizədi
Elmi adı	dosent
Təhsili	S.M.Kirov adına Azərbaycan Dövlət Universiteti, mexanika-riyaziyyat fakültəsi (1957–1962) Azərbaycan SSR EA Riyaziyyat və Mexanika İnstitutu, aspirantura (1962 – 1965)
Elmi rəhbəri	akad. Z.İ.Xəlilov və prof. C.Y.Yaqubov

Loğman Əbdülkərimli — alim-pedaqoq, fizika-riyaziyyat elmləri namizədi, dosent; 1969-cu ildən Azərbaycan Pedaqoji İnstitutunda işləmiş, o cümlədən, 1992 – 2000-ci illərdə bu institutun cəbr və həndəsə kafedrasının müdiri olmuşdur.

Haqqında məlumatlar

22 mart 1939-cu il tarixdə Nuxa rayonunun Baş Küngüt kəndində anadan olub.

Təhsili

1946 – 1956-cı illərdə Nuxa şəhərindəki əvvəl 12 saylı, sonra isə 10 saylı məktəbdə oxuyub.

1957 – 1962-cı illərdə S.M.Kirov adına Azərbaycan Dövlət Universitetinin mexanika-riyaziyyat fakültəsində,

1962 – 1965-ci illərdə Azərbaycan SSR EA Riyaziyyat və Mexanika İnstitutunun aspiranturasında təhsil alıb.

Əmək fəaliyyəti

1961-ci ildə Azərbaycan SSR EA Riyaziyyat və Mexanika İnstitutunda laborant,

1965 – 1968-ci illərdə isə elmi işçi olub.

1969 – 1974-cü illərdə V.İ.Lenin adına Azərbaycan Pedaqoji İnstitutunun riyazi analiz kafedrasında,

1974 – 1978-ci illərdə həmin institutun cəbr və ədədlər nəzəriyyəsi kafedrasında baş müəllim vəzifəsində işləmiş,

1978-ci ildən dosent vəzifəsinə keçirilmiş,

1992 – 2000-ci illərdə isə həm də kafedranın müdiri olmuşdur.

Elmi fəaliyyəti

1967-ci ildə akademik Z.İ.Xəlilov və professor C.Y.Yaqublunun rəhbərliyi ilə “Difer Banax fəzasında diferensial-operatorla tənliklər üçün bəzi məsələlərin həlli” adlı mövzuda namizədlik dissertasiyasını müdafiə edib.

1978-ci ildə dosent elmi adını alıb.

70-dən çox elmi-metodik əsərin (14-ü xaricdə çap olunub) müəllifidir.

Ədəbiyyat

1. Məmmədov Ə., Xalıqov F. Əbdülkərimli Loğman // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 73-74. — 600 nüsx. — ISBN 5-8066-1708-4.
2. "Əbdülkərimli Loğman Şəfaət oğlu". https://www.adpu.edu.az/ (azərb.). Azərbaycan Dövlət Pedaqoji Universitetinin rəsmi internet saytı. 23 Sep 2020 tarixində arxivləşdirilib.