Qəmər Məmmədova

Qəmər Məmmədova
	Məmmədova Qəmər Məlik qızı
	Qəmər Məmmədova
Doğum tarixi	10 sentyabr 1954 (69 yaş)
Doğum yeri	Biləcəri, Bakı, Azərbaycan SSR, SSRİ
Vətəndaşlığı	SSRİ→ Azərbaycan
Təhsili	Mirzağa Əliyev adına Azərbaycan Dövlət İncəsənət İnstitutu, dram və kino aktyorluğu fakültəsi (1971–1975)
Mükafatları

Qəmər Məmmədova — Azərbaycan Respublikasının əməkdar artisti və Azərbaycan Respublikasının əməkdar incəsənət xadimi, Azərbaycan Dövlət Gənc Tamaşaçılar teatrının aktrisası. Bir neçə filmdə də rol oynamışdır.

Haqqında məlumatlar

10 sentyabr 1954-cü ildə Bakının Biləcəri qəsəbəsində anadan olub.

Təhsili

1971 – 1975-ci ildə Mirzağa Əliyev adına Azərbaycan Dövlət İncəsənət İnstitutunun dram və kino aktyorluğu fakültəsini bitirib.

Əmək fəaliyyəti

1975 – 1979-cu illərdə Sabit Rəhman adına Şəki Dövlət Dram Teatrında,

1979 – 1983-cü illərdə Mirzağa Əliyev adına Azərbaycan Dövlət İncəsənət İnstitutunun Tədris teatrında,

1983 – 2002-ci illərdə yenidən Sabit Rəhman adına Şəki Dövlət Dram Teatrında,

2002 – 2009-cu illərdə Azərbaycan Dövlət Gənclər teatrında aktrisa vəzifəsində çalışıb.

2009-cu ildən may Azərbaycan Dövlət Gənc Tamaşaçılar Teatrının aktrisasıdır.

Pedaqoji fəaliyyəti

2003-cü ildən Azərbaycan Dövlət Mədəniyyət və İncəsənət Universitetində dərs deyib. O cümlədən, bir müddət kütləvi tədbirlər və reyissorluq kafedrasının müdiri olub.

Təltif və mükafatları

“Azərbaycan Respublikasının əməkdar artisti” fəxri adı (2000);
“Azərbaycan Respublikasının əməkdar incəsənət xadimi” fəxri adı (2013).

Ədəbiyyat

Rəhimli İ. Qəmər Məmmədova // Şəki teatrı. — Bakı: Qanun, 2016. — Səhifələrin sayı: 383. — Səh.: 280-284. — 500 nüsx. — ISBN 978-9952-36-230-5.