Nailə Bədəlova

Nailə Bədəlova (1913–2000) — ilk azərbaycanlı qadın kinomexanik.

Nailə Bədəlova
Bədəlova Nailə Məmməd qızı
Nailə Bədəlova.
Anadan olub	8 mart 1913(1913-03-08)
Anadan olduğu yer	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat edib	27 may 2000 (87 yaşında)
Vəfat etdiyi yer	Bakı, Azərbaycan
Uşağı	Sevinc Bədəlova
Təhsili	Kinomexaniklər kursu (Bakı, –1939)
Mükafatları

Haqqında məlumatlar

8 mart 1913-cü il tarixdə Nuxada (indiki Şəki) anadan olub.

Təhsili

1939-cu ildə Bakıda kinomexaniklər kursunu bitirib.

Əmək fəaliyyəti

17 aprel 1939-cu il tarixdən Bakıdakı «Bakkommuna» kinoteatrında təcrübəçi kimi əmək fəaliyyətinə başlayıb və

1 yanvar 1940-cı il tarixdən kinomexanik vəzifəsinə keçirilib.

1945 – 1946-cı illərdə Bakı kinostudiyasında,

1948-ci ildə «Bakı» kinoteatrında,

1949 – 1972-ci illərdə Bakıdakı Nizami adına kinoteatrda kinomexanik işləyib.

Təltif və mükafatları

• Fəxri fərman – əmək nailiyyətlərinə görə (08.03.1958);
• Fəxri fərman – əmək nailiyyətlərinə görə (05.11.1966);
• "Əmək igidliyinə görə" medalı (20.11.1967).

Vəfatı

27 may 2000-ci il tarixdə – 87 yaşında, Bakıda vəfat edib.

Digər

Böyük Vətən müharibəsi iştirakçısıdır.

Azərbaycan sovet sənədli filmlər rejissoru Niyazi Bədəlovun (1909–1997) qardaşının həyat yoldaşıdır.

2010-cu ildə haqqında məqalə dərc olunmuş bir jurnal və bir qəzet, təltif olunduğu 2 fəxri fərmanın özü və bir medalın vəsiqəsi, 1 fotoşəkli, kinomexanik vəsiqəsi, kinostudiyaya buraxılış vəsiqəsi qızı Sevinc Bədəlova tərəfindən Azərbaycan Dövlət Film Fonduna təhvil verilib.

Ədəbiyyat

1. (Nailə Bədəlova haqqında məqalə) // Bakı : qəzet. — 1965. — В. 20 may.
2. (Nailə Bədəlova haqqında məqalə) // Təşviqatçı : jurnal. — 1967. — В. noyabr.
3. Azərbaycanın ilk qadın kino-mexaniki Nailə Bədəlovanın və kinoşünas Arzu Bağırovun şəxsi arxiv materialları Dövlət Film Fonduna təqdim edilib : [arx. 20.09.2021] // APA. — 2010. — 15 iyul. — Müraciət tarixi: 20.09.2021.