Fərman İsmayılov
Fərman İsmayılov (1936–2018) — fəlsəfə elmləri doktoru, Bakı Dövlət Universitetinin professoru.
Fərman İsmayılov | |
---|---|
İsmayılov Fərman Qəhrəman oğlu | |
![]() | |
Fərman İsmayılov. | |
Doğum tarixi | 20 yanvar 1936 |
Doğum yeri |
Baş Göynük, Nuxa (indiki Şəki) rayonu, ![]() |
Vəfat tarixi | 10 noyabr 2018 (82 yaşında) |
Vəfat yeri |
Bakı, ![]() |
Dəfn yeri |
Yasamal qəbiristanlığı, Bakı, ![]() |
Vətəndaşlıq |
![]() ![]() |
Elmi dərəcəsi | fəlsəfə elmləri doktoru |
Elmi adı | professor |
Evladları | Cövdət, Xəyyam və bir qız |
Haqqında məlumatlar
20 yanvar 1936-cı il tarixdə Nuxa (indiki Şəki) rayonunun Baş Göynük kəndində anadan olub.
Təhsili
1956-cı ildə Baş Göynük kənd orta məktəbini,
1962-cı ildə isə M.F.Axundov adına Azərbaycan Pedaqoji Dillər İnstitutunun ingilis dili fakültəsini bitirib.
1965-ci ildə Azərbaycan SSR EA Fəlsəfə və Hüquq İnstitutunun aspiranturasına qəbul olunub.
Elmi fəaliyyəti
1970-cı ildə “Fəlsəfə və ali dil (linqvistik analiz fəlsəfəsinin metodoloji prinsiplərinin tənqidi)” mövzusunda namizədlik dissertasiyasını müdafiə edib.
1996-cı ildə ona dissertasiya müdafiə etmədən fəlsəfə elmləri doktoru elmi dərəcəsi verilib.
Əmək fəaliyyəti
1962-ci ildən M.F.Axundov adına Azərbaycan Pedaqoji Dillər İnstitutunda işləyib. O cümlədən, əvvəl müəllim, sonra baş müəllim,
1973-cü ildən isə dosent vəzifəsini tutub.
1978-ci ilin martında S.M.Kirov adına Azərbaycan Dövlət Universitetinin fəlsəfə kafedrasında dosent vəzifəsinə seçilib.
1992-ci ildən Bakı Dövlət Universitetinin Şəki filialının direktoru və eyni zamanda humanitar elmlər kafedrasının müdiri vəzifəsində çalışıb.
2001-ci ildən pedaqoji fəaliyyətini Məmmədəmin Rəsulzadə adına Bakı Dövlət universitetində davam etdirib.
İctimai aktivliyi
Sovet dövründə iki dəfə iki dəfə Bakı şəhər Nəsimi rayon sovetinin deputatı seçilmişdir.
Vəfatı
10 noyabr 2018-ci il tarixdə – 82 yaşında, Bakıda vəfat edib. Bakıda Yasamal qəbiristanlığında dəfn olunub.
Ədəbiyyat
- Məmmədov Ə., Xalıqov F. İsmayılov Fərman // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 289-291. — 1.000 nüsx.
- Professor Fərman İsmayılov vəfat edib : [arx. 25.01.2022] // Aznews.az. — 2018. — 10 noyabr. — Müraciət tarixi: 25.01.2022.
© 2019 – 2024 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |