Hacı Səlim əfəndi

Hacı Səlim əfəndi (1940–2019) — tanınmış din xadimi, Şəki – Qəbələ bölgəsinin qazısı.

Hacı Səlim əfəndi
Səfərov Səlim Rəhim oğlu
Hacı Səlim əfəndi, 2018-ci il.
Anadan olub	19 mart 1940(1940-03-19)
Anadan olduğu yer	Nuxa (indiki Şəki), Nuxa rayonu, Azərbaycan SSR, SSRİ
Vəfat edib	15 avqust 2019 (79 yaşında)
Vəfat etdiyi yer	Şəki, Azərbaycan
Vətəndaşlıq	SSRİ→ Azərbaycan
Fəaliyyəti	Şəki–Zaqatala bölgəsinin qazısı
Fəaliyyət illəri	1987 – 2019

Haqqında məlumatlar

19 mart 1940-cı il tarixdə Nuxada (indiki Şəki) anadan olub.

Təhsili

1959-cu ildə Nuxada fəhlə-gənclər məktəbini bitirib.

1974 – 1980-cı illərdə Yusif Məmmədzadədən dini təhsil alıb.

Əmək fəaliyyəti

1964 – 1980-cı illərdə müxtəlif sahələrdə çalışıb.

1980-cı ildə Şəki Cümə məscidinə naibi-imam (imam köməkçisi) təyin olunub.

1980-cı ildə Şəki Cümə məscidinə baş imam təyin olunub.

1987-ci ildə Şəki – Zaqatala zonasına, sonralar isə Şəki – Qəbələ bölgəsinə qazı təyin olunub və ömrünün sonuna qədər – 15 avqust 2019-cu il tarixədək, həmin vəzifədə çalışıb.

Digər

1961 – 1964-cü illərdə sovet ordusunda hərbi xidmətdə olub.

1983-cü ildə Həcc ziyarətinə gedib.

1985-ci ildə Zaqafqaziya Müsəlmanları Ruhani İdarəsinin xətti ilə Türkiyədə bir aylıq səfər edib.

1990-cı ildə 129 nömrəli Şəki birinci şəhər seçki dairəsindən Azərbaycan SSR xalq deputatlığına namizəd göstərilib, lakin seçkinin nəticələri ləğv edilib və təkrar seçki təyin olunub; təkrar seçkidə iştirak etməyib.

Vəfatı

15 avqust 2019-cu il tarixdə – 79 yaşında, Şəkidə vəfat edib.

Ədəbiyyat

1. Səlim Rəhim oğlu Səfərov (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 22 sentyabr 1990. — № 25 – 26 (1959 – 1960). — Səh. 2.

Həmçinin, bax:

• Şəkidən Azərbaycan SSR xalq deputatlığına namizədlərin siyahısı (1990)