İffət Əfəndiyeva

İffət Əfəndiyeva — tanınmış bioloq, biologiya elmləri namizədi və pedaqoq.

İffət Əfəndiyeva
Əfəndiyeva İffət Məmməd qızı
İffət Əfəndiyeva
Doğum tarixi	1 aprel 1949 (1949-04-01)
Doğum yeri	Kirovabad (indiki Gəncə), Azərbaycan SSR, SSRİ
Vətəndaşlıq	SSRİ → Azərbaycan
Təhsili	S.M.Kirov adına Azərbaycan Dövlət Universiteti, biologiya fakültəsi, bioloq, biologiya və kimya müəllimi ixtisası (1966–1971)
Atası	Məmməd Əfəndiyev
Anası	Nailə Babayeva
Mükafatları
facebook səhifəsi

Haqqında məlumatlar

1 aprel 1950-ci il tarixdə Kirovabadda (indiki Gəncə) anadan olub.

Təhsili

1966-cı ildə Kirovabad şəhər 1 №-li orta məktəbini bitirib.

1966 – 1971-ci illərdə S.M.Kirov adına Azərbaycan Dövlət Universitetinin biologiya fakültəsində bioloq, biologiya və kimya müəllimi ixtisası üzrə təhsil alıb.

Əmək fəaliyyəti

1971-ci ildə Ümümittifaq “VODGEO” Elmi-Tədqiqat İnstitunda baş laborant,

1972 – 1979-cu illərdə Azərbaycan SSR EA Mikrobiologiya Bölməsində elmi işçi,

1981 – 1982-ci illərdə Azərbaycan SSR Dövlət Ətraf Mühitin Mühafizəsi Komitəsinin Aqrokimya Laboratoriyasında baş aqroximik və Kosmik tədqiqatlar Elmi-Tədqiqat Birliyində bölmə müdiri,

1982 – 1985-ci illərdə Təbii Sərvətlərin Kosmik Tədqiqatları İnstitutunda baş elmi işçi,

1985 – 1988-ci illərdə Azərbaycan SSR EA Geologiya İnstitutunda baş elmı işçi,

1988 – 1995-ci illərdə Azərbaycan SSR EA/AMEA Coğrafiya İnstitutunun “Xəzər dənizinin resursları” bölməsində baş elmi işçi,

1995 – 2008-ci illərdə ARDNŞ/SOCAR Xaricı Sərmayələr İdarəsinin kontraktlar şöbəsində aparicı mütəxəssis,

2010 – 1911-ci illərdə Sumqayıt Dövlət Universitetində baş müəllim vəzifəsində çalışıb.

2010 – 2014, 2018 – 2019-cu illərdə Bakı Dövlət Universitetinin ekologiya və torpaqşünaslıq fakültəsində,

2014 – 2015-ci illərdə isə Qafqaz Universitetində saat hesabı dərs deyib.

Elmi fəaliyyəti

1979-cu ildə Bakı buxtasının neft məhsullarından təmizlənməsində mikroorqanizmlərin roluna həsr olunmuş dissertasiya müdafiə edərək biologiya elmləri namizədi elmi dərəcəsi alıb.

90-dan çox elmi və elmi-populyar məqalənin müəllifidir. 40-dan çox elmi konfrans və konqresdə iştirak edib.

İctimai-siyasi fəaliyyəti

1981 – 1996-cı illərdə YUNESKO-nun “İnsan və Biosfer” (MAB) Proqramı üzrə Azərbaycan komitəsinin elmi-katibi olub.

Təltif və mükafatları

• “Tərəqqi” medalı (18.09.2008).

Ədəbiyyat

1. Məmmədov Ə., Xalıqov F. Əfəndiyeva İffət // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 181-182. — 1.000 nüsx.