Şahid İsmayılov

Şahid İsmayılov — Şəki Dövlət Regional Kollecinin tərkibində fəaliyyət göstərən Şəki Texniki Kollecinin rəhbəri.

Şahid İsmayılov
İsmayılov Şahid Nəzir oğlu
Şahid İsmayılov.
Anadan olub	8 yanvar 1959 (1959-01-08)
Anadan olduğu yer	Baş Şabalıd, Nuxa (indiki Şəki) rayonu, Azərbaycan SSR, SSRİ
Vətəndaşlıq	SSRİ→ Azərbaycan
Milliyyəti	azərbaycanlı
Təhsili	• Şəki Pedaqoji Texnikumu (1974–1978)  • V.İ.Lenin adına Azərbaycan Pedaqoji İnstitutu, ümumi texniki fənlər fakültəsi (1978–1982)
facebook səhifəsi

Haqqında məlumatlar

8 yanvar 1959-cu il tarixdə Nuxa (indiki Şəki) rayonunun Baş Şabalıd kəndində anadan olub.

Təhsili

1974-cü ildə Baş Şabalıd kənd səkkizillik məktəbini tərifnamə ilə bitirib.

1974 – 1978-ci illərdə Şəki Pedaqoji Texnikumunda,

1978 – 1982-ci illərdə V.İ.Lenin adına Azərbaycan Pedaqoji İnstitutunun ümumi texniki fənlər fakültəsində təhsil alıb.

Hərbi xidmət

1983 – 1984-cü illərdə həqiqi hərbi xidmətdə olub.

Əmək fəaliyyəti

1982-ci ildən Şəki Pedaqoji Texnikumunda müəllim kimi əmək fəaliyyətinə başlayıb.

2022-cı ildən Şəki Dövlət Regional Kollecinin tərkibində fəaliyyət göstərən Şəki Texniki Kollecinin rəhbəridir.

İctimai-siyasi fəaliyyəti

1996-cı ildən YAP-ın üzvüdür. Həmin ildən onun təşəbbüsü və təşkilatçılığı ilə sədr özü olmaqla Yeni Azərbaycan Partiyası Şəki təşkilatının Yuxarıbaş Ərazi İlk Təşkilatı və Baş Şabalıd Kənd Ərazi İlk Təşkilatı yaradılıb.

2019-cu il bələdiyyə seçkilərində Yeni Azərbaycan Partiyası tərəfindən Şəki şəhər bələdiyyəsi üzvlüyünə namizədliyi irəli sürülüb, lakin seçilməyib.

Ailəsi

Ailəlidir, üç övladı var.

Ədəbiyyat

1. “Şəki Bələdiyyəsi” qəzetinin saytı, Şəki bələdiyyəsi üzvlüyünə namizədlər, 2-ci səhifədə.
2. "ŞƏKİ BƏLƏDİYYƏSİ ÜZRƏ NAMİZƏDLƏR ( 55 namizəd )". https://www.infocenter.gov.az (azərb.). İnformasiya Mərkəzi. 21 Jun 2021 tarixində arxivləşdirilib.

Həmçinin, bax:

• Şəki şəhər bələdiyyəsi üzvlüyünə namizədlərin topladığı səslər (2019)
• Şəki şəhər bələdiyyəsi üzvlüyünə namizədlərin siyahısı (2019)