Zümrüd Axundova

Zümrüd Axundova
Axundova Zümrüd Qulam qızı
Zümrüd Axundova.
Doğum tarixi	1 mart 1912(1912-03-01)
Doğum yeri	Nuxa, Nuxa qəzası, Yelizavetpol quberniyası, Rusiya İmperiyası
Vəfat tarixi	7 dekabr 1961 (49 yaşında)
Vəfat yeri	Bakı, Azərbaycan SSR, SSRİ
Vətəndaşlıq	SSRİ
Elm sahəsi	pedaqogika
İş yeri	S.M.Kirov adına Azərbaycan Dövlət Universiteti, dosent
Elmi dərəcəsi	pedaqoji elmlər namizədi
Elmi adı	dosent
Təhsili	Bakı Pedaqoji Texnikumu (– 1927) Azərbaycan Dövlət Ali Pedaqoji İnstitutu (1929 – 1931) Moskva Ali Kommunist Maarifi İnstitutu, aspirantura (1934 – 1935)
Həyat yoldaşı	Məmməd Arif Dadaşzadə
Evladı	Araz Dadaşzadə
Atası	Qulam Axundov
Mükafatları

Zümrüd Axundova (1912 – 1961) — alim-pedaqoq, pedaqoji elmlər namizədi, dosent; ilk azərbaycanlı qadın elmlər namizədi. Azərbaycan KP Nuxa qəza komitəsinin birinci katibi olmuş Qulam Axundovun qızı, görkəmli Azərbaycan bəstəkarı, Azərbaycan Respublikasının xalq artisti Şəfiqə Axundovanın bacısı, Azərbaycan SSR EA-nın həqiqi üzvü Məmməd Arifin həyat yoldaşı, tanlnmış tənqidçisi və ədəbiyyatşünas, Azərbaycan SSR əməkdar elm xadimi Araz Dadaşzadənin anası, tanınmış musiqişünas, Bakı Musiqi Akademiyasının professoru Zümrüd Dadaşzadənin isə nənəsidir.

Haqqında məlumatlar

1 mart 1912-ci il tarixdə Nuxada anadan olub.

Təhsili

1927-ci ildə Bakı Pedaqoji Texnikumunu bitirib.

1929 – 1931-ci illərdə Azərbaycan Dövlət Ali Pedaqoji İnstitutunda,

1934 – 1935-ci illərdə Moskva Ali Kommunist Maarifi İnstitutunun aspiranturasında təhsil alıb.

Zümrüd Axundova və həyat yoldaşı Məmməd Arif Dadaşzadə.

Əmək fəaliyyəti

1927-ci ildə − Bakı Pedaqoji Texnikumunu bitirdikdən sonra Bakı şəhər 5 №-li orta məktəbində müəllim işləyib.

1929-cu ildən pedaqoji fəaliyyətini Bakı nümunəvi komsomol məktəbində,

1935-ci ildə Moskva Ali Kommunist Maarifi İnstitutunun aspiranturasında təhsilini tamamladıqdan sonra isə Bakının müxtəlif ali məktəblərində – Azərbaycan Pedaqoji İnstitutunda, Xarici Dillər İnstitutunda, Azərbaycan Dövlət Universitetində davam etdirib.

İkinci Dünya Müharibəsi dövründə S.M.Kirov adına Azərbaycan Dövlət Universitetinin çoxtirajlı qəzetinin redaktoru olub.

1943 – 1948-ci illərdə Qiyabi Pedaqoji İnstitutun pedaqogika kafedrasının müdiri olub.

1948 – 1961-ci illərdə S.M.Kirov adına Azərbaycan Dövlət Universitetində çalışıb, o cümlədən, 1951-ci ildən dosent vəzifəsində işləyib.

Elmi fəaliyyəti

1949-cu ildə “Azərbaycanda qadın təhsili tarixindən. 1900 – 1914-ci illər” mövzusunda dissertasiya müdafiə edib.

1951-ci ildə dosent elmi adını alıb.

Təltifləri

• “Qırmızı Əmək Bayrağı” ordeni (SSRİ) (1946).
• “Şərəf Nişanı” ordeni (1953).
• “Qafqazın müdafiəsinə görə” medalı.
• 1“941-1945-ci illər Böyük Vətən müharibəsində rəşadətli əməyə görə” medalı.