Zaur Əhmədov

Zaur Əhmədov
Əhmədov Zaur Oktay oğlu
Zaur Əhmədov, 2019-cu il.
Doğum tarixi	26 avqust 1989 (1989-08-26)
Doğum yeri	Şəki, Azərbaycan SSR, SSRİ
Vətəndaşlığı	SSRİ→ Azərbaycan
Təhsili	Azərbaycan Dövlət Rəssamlıq Akademiyası (bakalaviat, 2006–2011)

Zaur Əhmədov - ali təhsilli rəssam, Şəki “ABAD” Keramika və Tətbiqi Sənət Mərkəzinin rəssam-keramisti (2018-ci ildən).

Haqqında məlumatlar

26 avqust 1989-cu il tarixdə Şəkidə anadan olub.

Təhsili

1995 – 2006-cı illərdə Şəki şəhər 17 saylı orta məktəbində oxuyub.

2000 – 2005-ci illərdə Şəki Uşaq İncəsənət Məktəbində rəssamlığın sirlərini öyrənib.

2006 – 2011-ci illərdə Azərbaycan Dövlət Rəssamlıq Akademiyasında bakalavr təhsili alıb.

Yaradıcılığı

2011 – 2013-cü illərdə zərgərlik fəaliyyəti ilə məşğul olub, bu istiqamətdə lazımi peşə təcrübəsinə yiyələnib.

2013 – 2015-ci illərdə daş üzərində Şəki rayonunun təbiəti, arxitekturası və tarixi ilə bağlı müxtəlif peyzajlar hazırlamışdır.

2015 – 1017-ci illərdə yaradıcılığını Şəki Dövlət Rəsm Qalereyasında bərpaçı-rəssam kimi davam etdirib.

2018-ci ildən Şəki “ABAD” Keramika və Tətbiqi Sənət Mərkəzində əvvəl baş təlimçi işləyəb, sonra isə keramist rəssam kimi fəaliyyət göstərməyə başlayıb.

İctimai fəaliyyəti

Şəki sənətkarlarını və proqressiv gəncliyi bir çətir altında toplama ambisiyasını özündə birləşdirən ArtClub Kafe – Emalatxana konseptinin Asim Abbasovla birgə həmtəsisçisidir.

Digər

Həm də divar üzərində dizayn işləri ilə və fərdi şəkildə “ABAD” brendi altında suvenir istehsalatı ilə məşğuldur.

Yaradıcılıq fəaliyyəti boyunca ölkə daxilində müxtəlif sərgilər və festivallarda iştirak edib.