Rasim Mustafayev

Rasim Mustafayev
Mustafayev Rasim Fərman oğlu
Rasim Mustafayev, 2020-ci il.
Doğum tarixi	31 avqust 1950 (1950-08-31)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Rusiya
Elm sahəsi	kimya
Elmi adı	kimya elmləri namizədi
Təhsili	S.M.Kirov adına Azərbaycan Dövlət Universiteti, kimya fakültəsi (1966–1971) SSRİ Elmlər Akademiyasının Sibir şöbəsinin (Novosibirsk şəhəri) Qeyri-Üzvi Kimya İnstitutunun aspiranturası (1972–1974)
Evladları	Nazim, Leyla və Elnarə
Atası	Fərman Mustafayev
Anası	Nuriyyə Mustafayeva (Abdullayeva)

Rasim Mustafayev — kimya elmləri namizədi, ixtiraçı alim, Novosibirsk şəhərində fəaliyyət göstərən “Elmi tədqiqatlar və kimyəvi məhsullar” müəssisəsinin (Açıq Səhmdar Cəmiyyətidir) elmi rəhbəri və direktoru.

Haqqında məlumatlar

31 avqust 1950-ci il tarixdə Nuxada (indiki Şəki) anadan olub.

Təhsili

1966-cı ildə Nuxa şəhər M.Qorki adına 10 №-li orta məktəbini gümüş medalla bitirib.

1966 – 1971-ci illərdə S.M.Kirov adına Azərbaycan Dövlət Universitetinin kimya fakültəsində təhsil alıb.

1972-ci ildə SSRİ Elmlər Akademiyasının Sibir şöbəsinin (Novosibirsk şəhəri) Qeyri-Üzvi Kimya İnstitutunun aspiranturasına qəbul olunub.

Əmək fəaliyyəti

1971-ci ildə Azərbaycan Elmlər Akademiyasının Qeyri-Üzvi Kimya İnstitutunda əmək fəaliyyətinə başlayıb.

1977 – 1998-ci illərdə Novosibirsk şəhərində – Kimya Texnologiyası Elmi-Tədqiqat İnstitutunda, əvvəl baş elmi işçi,

1980-cı ildən laboratoriya müdiri,

1985-ci ildən şöbə müdiri,

1991-ci ildən elmi işlər üzrə direktor müavini vəzifələrində çalışıb.

1998-ci ildən yeni keyfiyyətli, ekoloji cəhətdən təhlükəsiz olan kimyəvi məhsulların alınması və istehsalı ilə məşğul olan “Elmi tədqiqatlar və kimyəvi məhsullar” müəssisəsinin elmi rəhbəri və direktoru vəzifəsində işləyir.

Elmi fəaliyyəti

1977-ci ildə “Platin qrupu metallarının müxtəlif mürəkkəb materiallardan selektiv ayrılması və onların mikro miqdarının atom-absorbsiya üsulu ilə təyin olunması” adlı elmi mövzuda namizədlik dissertasiyası müdafiə edib.

72 elmi əsərin, 27 ixtiranın müəllifidir. İxtiralarından 2-sinə Almaniyada patent verilib.

Digər

2002-ci ildə Rusiya Federasiyası Keyfiyyət Problemləri Akademiyasının müxbir üzvü seçilib.

Ailəsi

Atası: Fərman Mustafayev və anası: Nuriyyə Mustafayeva (Abdullayeva) Şəkinin tanınmış pedaqoqlarından olublar, Şəki şəhər 19 nömrəli orta məktəbdə müəllim işləyiblər və hər ikisi vəfat edib.

Həyat yoldaşı: Mustafayeva Tamara Filippovna, hüquqşünasdır.

Övladları:

• Mustafayev Nazim, tibb elmləri namizədi, damar cərrahı-fleboloqdur.
• Mustafayeva Leyla, həkimdir.
• Mustafayeva Elnarə, hüquqşünasdır.

Təltif və mükafatları

• 1985-ci ildə RSFSR-in Novosibirsk vilayətinin “Ən yaxşı ixtiraçı”sı adına layiq görülüb.
• 2018-ci ildə Novosibirsk şəhərinin əsasının qoyulmasının 125 illiyi münasibətilə “Şəhərin rifahı üçün əməyə görə” xatirə doş nişanı ilə təltif edilib.
• 2011-ci ildə rəhbəri olduğu “Elmi tədqiqatlar və kimyəvi məhsullar” müəssisəsi Rusiya Federasiyası “Qızıl Merkuri” Milli mükafatının (innovativ fəaliyyət sahəsində) laureatı olmuşdur.

Ədəbiyyat

1. Məmmədov Ə., Xalıqov F. Mustafayev Rasim // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 292-293. — 1.000 nüsx.