Xəyyam Mirzəzadə

Xəyyam Mirzəzadə
	Mirzəzadə Xəyyam Hadı oğlu
	Xəyyam Mirzəzadə.
Şəxsi məlumatlar
Doğum tarixi	5 oktyabr 1935
Doğum yeri	Bakı, Azərbaycan SSR, ZSFSR, SSRİ
Vəfat tarixi	30 iyul 2018 (82 yaşında)
Vəfat yeri	Bakı, Azərbaycan
Vətəndaşlığı	SSRİ→ Azərbaycan
Peşəsi	bəstəkar
Uşağı	Pərvin Mirzəzadə
Mükafatları	;

Xəyyam Mirzəzadə (1935–2018) — görkəmli Azərbaycan bəstəkarı, pedaqoq, professor, Azərbaycan SSR Lenin komsomolu mükafatı laureatı və iki qat Azərbaycan SSR dövlət mükafatı laureatı, Azərbaycan SSR xalq artisti.

Haqqında məlumatlar

5 oktyabr 1935-ci il tarixdə Bakıda anadan olub.

Təhsili

1957-ci ildə Üzeyir Hacıbəyov adına Azərbaycan Dövlət Konservatoriyasının bəstəkarlıq fakültəsini bitirib.

Əmək fəaliyyəti

1957-ci ildən Üzeyir Hacıbəyov adına Azərbaycan Dövlət Konservatoriyasında işləməyə başlayıb; o cümlədən,

1969-1983-cü illərdə kompozisiya kafedrasının müdiri olub.

Yaradıcılığı

Yaradıcılığı instrumental və vokal musiqini, simfonik və kamera janrlarını əhatə edir. Dramatik tamaşalara və kinofilmlərə musiqilər bəstələmişdir. Bir çox kamera əsərlərinin və sonataların müəllifidir.

Əsərləri

Baletləri

Ağlar və qaralar (balet) (2000).

Kamera orkestri üçün

Musiqi (1964);
Üç xoreoqrafik şəkil (1969).

Simfonik orkestr üçün

I Simfoniya (1957);
II Simfoniya (Triptix, 1970);
Kiçik lirik süita (1963);
Oçerklər-63 simfonik poema (1963);
"Muğan çöllərində" süitası (1967).

Xor, solist və simfonik orkestr üçün

"Çiçəklən, Vətənim" (1964) — E. Mahmudovla birgə, sözləri: Zeynal Cabbarzadə;
Partiya haqqında oda (1975) — sözləri: Bəxtiyar Vahabzadə.

Ağacdan nəfəs alətləri üçün

Sekstet (1962).

Misdən nəfəs alətləri üçün

Kvartet (1970).

Simli kvartet üçün

I Kvartet (1956);
II Kvartet (1961);
Dörd miniatür (1958);
Noraşen rəqsləri (1972).

Skripka və fortepiano üçün

Sonatina (1950);
Poema vä sketso (1952).

Təltif və mükafatları

Azərbaycan SSR Lenin komsomolu mükafatı (1970);
“Azərbaycan SSR əməkdar incəsənət xadimi” fəxri adı (1972);
Azərbaycan SSR dövlət mükafatı (1975);
Azərbaycan SSR dövlət mükafatı (1986);
“Azərbaycan SSR xalq artisti” fəxri adı (1987);
“Şöhrət” ordeni (2000);
“Şərəf” ordeni (2010).

Vəfatı

30 iyul 2018-cı il tarixdə – 82 yaşında, uzun sürən xəstəlikdən sonra Bakıda vəfat edib. Bakıda – II Fəxri Xiyabanda dəfn olunub.

Ədəbiyyat

Qasımova S. Xəyyam Mirzəzadə // Musiqi dünyası : jurnal. — Bakı, 2000. — № 3–4/5. Arxivləşdirilib; arxivləşdirmə tarixi: 6 Jul 2003 - 27 Jan 2020.
Məmmədov Ə., Xalıqov F. Mirzəzadə Xəyyam // Şəki: Alim və ziyalılar. — Bakı: Elm, 2007. — 2 cilddə. — II cild. — Səhifələrin sayı: 428. — Səh.: 314-315. — 600 nüsx. — ISBN 5-8066-1708-4.

Filmoqrafiya

Şablon:Columns-list