Şahid Əbdülkərimov

Şahid Əbdülkərimov
	Şahid Əbdülkərimov
Şəxsi məlumatlar
Doğum tarixi	30 oktyabr 1938
Doğum yeri	Nuxa, Azərbaycan SSR, SSRİ
Vəfat tarixi	17 iyul 2003 (64 yaşında)
Vəfat yeri	Şəki, Azərbaycan
Dəfn yeri	Şəki, Azərbaycan
Peşəsi	bəstəkar

Şahid Əbdülkərimov (1938-2003) — tanınmış həvəskar bəstəkar, xor drijoru, aktyor, müğəmni və tarzən. “Hanı bəs vəfan sənin”, “Təki sən səslə məni” və s. bu kimi məşhur mahnıların musiqilərini bəstələmişdir.

Haqqında məlimatlar

30 oktyabr 1938-ci il tarixdə Nuxa (indiki Şəki) anadan olub.

Təhsili

1948-ci ildən Nuxa şəhər pionerlər evində ustad sənətkar İbad Salmanovdan tar dərsi almağa başlayıb.

1957-ci ildə Nuxa şəhər 12 №-li orta məktəbini bitirib.

1957 – 1960-cı illərdə Bakı Mədəni-Maarif texnikumunun xor dirilorluğu şöbəsində,

1961 – 1966-cı illərdə M.A.Əliyev adına Azərbaycan Dövlət Teatr İnstitutunun (indiki Mədəniyyət və İncəsənət Universiteti) mədəni-maarif fakültəsinin axşam şöbəsində təhsil alıb.

Əmək fəaliyyəti

1960-cı ildən Xırdalan qəsəbə 1 №-li orta məktəbində musiqi müəllimi işləyib.

1976-cı ildə Şəki şəhər Tibb işçiləri mədəniyyət evinin direktoru vəzifəsinə təyin edilib.

Yaradıcı fəaliyyəti

Hələ 1956-cı ildə Nuxa rayon mədəniyyət evinin direktoru, tanınmış teatr xadimi, Azərbaycan SSR əməkdar artisti Məmmədkəbir Hacıoğlu Şahid Əbdülkərimovu şəhər mədəniyyət evində fəaliyyət göstərən dram dəməyinə qəbul edib. Bundan sonra Şahid Əbdülkərimov konsertlərdə tar çalmaqla yanaşı, həm də aktyorluq fəaliyyəti ilə məşğul olub.

Bütün ömrü boyu 100-dən artıq mahnı bəstələyib. Radio və televiziyada ilk olaraq “Hanı bəs vəfan sənin” mahnısı səsləndirilmişdir. Həmin mahnı Ümumittifaq səsyazma fondunda, patefon valına da yazılıb. Bir çox mahnıları mahnıları AzTv-nin “Qırmızı Qərənfil” uşaq xorunun ifasında səsləndirilmişdir.

Vəfatı

1988-ci ildən Şəkidə yaşayıb. Ömrünün son illərində Şəkinin Qışlaq hissəsindəki məşciddə din xadimi kimi fəaliyyət göstərib.

17 iyul 2003-cü il tarixdə – 64 yaşında, Şəkidə vəfat edib.

Ədəbiyyat

Təhmirazqızı S. Şahid Əbdülkərimov // Şəkinin musiqi folkloru. — Bakı: Nərgiz, 2016. — Səhifələrin sayı: 144. — Səh.: 134-135. — 500 nüsx.
Kərimov M. “Təki sən səslə məni”, – Şahid Əbdülkərimov // İpəkçi : qəzet. — Azərbaycan, 2011. — В. 15 mart. — № 2 (2276). — Səh. 3. Arxivləşdirilib; arxivləşdirmə tarixi: 4 sentyabr 2021.