Firəngiz Əlizadə

Firəngiz Əlizadə
Əlizadə Firəngiz Əliağa qızı
Firəngiz Əlizadə.
Şəxsi məlumatlar
Doğum tarixi	28 may 1947 (1947-05-28)
Doğum yeri	Bakı, Azərbaycan SSR, SSRİ
Vətəndaşlığı	SSRİ→ Azərbaycan
Peşələri	bəstəkar, pianoçu, musiqişünas
Musiqi aləti	fortepiano
Fəaliyyət illəri	1970-ci ildən
Təhsili	• Ü.Hacıbəyov adına Azərbaycan Dövlət Konservatoriyası, fortepiano sinfi (1970)  • Ü.Hacıbəyov adına Azərbaycan Dövlət Konservatoriyası, bəstəkarlıq sinfi (1972)
Elmi dərəcəsi	sənətşünaslıq üzrə fəlsəfə doktoru
Elmi adı	professor
Üzvlüyü	AMEA, müxbir üzv
Mükafatları

Firəngiz Əlizadə — tanınmış musiqişünas, bəstəkar və pianoçu, sənətşünaslıq üzrə fəlsəfə doktoru, Azərbaycan Dövlət Konservatoriyasının, Mersin Dövlət Konservatoriyasının, Berlin İncəsənət Akademiyasının professoru, Azərbaycan Respublikasının xalq artisti, Azərbaycan Milli Elmlər Akademiyasının müxbir üzvü, Azərbaycan Bəstəkarlar İttifaqının sədri.

Haqqında məlumatlar

28 may 1947-ci il tarixdə Bakıda anadan olub.

Təhsili

Bülbül adına orta ixtisas musiqi məktəbinin fortepiano sinfində təhsil alıb.

1970-ci ildə Ü.Hacıbəyov adına Azərbaycan Dövlət Konservatoriyasının fortepiano,

1972-ci ildə isə bəstəkarlıq üzrə professor Q.Qarayevin sinfini bitirib.

Əmək fəaliyyəti

1973 – 1976-cı illərdə Azərbaycan Dövlət Konservatoriyasının bəstəkarlıq kafedrasında Q.Qarayevin rəhbərliyi altında assistent-təcrübəçi,

1976 – 1976-cı illərdə müəllim və baş müəllim,

1990-cı ildən professor vəzifəsini tutub.

1993 – 1998-cı illərdə Mersin Konservatoriyasında (Türkiyə),

1999 – 2006-cı illərdə Berlin İncəsənət Akademiyasında (Almaniya) dərs deyib.

Yaradıcılıq fəaliyyəti

1974-cü ildən Azərbaycan Bəstəkarlar İttifaqının üzvü,

1979 – 1985-ci və 1990 – 2007-cı illərdə Azərbaycan Bəstəkarlar İttifaqı İdarə Heyətinin katibi olub.

2007-ci ildə Azərbaycan Bəstəkarlar İttifaqının sədri vəzifəsinə seçilib.

4 operanın və 10 baletin müəllifidir.

Elmi fəaliyyəti

Sənətşünaslıq üzrə fəlsəfə doktoru və professordur.

2017-ci ildə Azərbaycan Milli Elmlər Akademiyasının müxbir üzvü seçilib.

10 fəlsəfə doktorunun, 12 elmlər doktorunun elmi rəhbəri olub.

Təltif və mükafatları

• “Azərbaycan SSR əməkdar incəsənət xadimi” fəxri adı (1990);
• “Azərbaycan Respublikasının xalq artisti” fəxri adı (2000);
• UNESCO-nun “Sülh artisti” fəxri adı (2007);
• “Şöhrət” ordeni (2007);
• “Uğur” mükafatı (2010);
• “Zirvə” mükafatı (2011);
• AMEA-nın “Üzeyir Hacıbəyli” mükafatı (2016);
• “The First” mükafatı (2017);
• “Şərəf” ordeni (2017);
• “Azərbaycan Xalq Cümhuriyyətinin 100 illiyi (1918-2018)” yubiley medal (2018);
• “Aga Khan Music Awards — 2019” (creation) laureatı (2019).

Ədəbiyyat

1. Məmmədov Ə., Xalıqov F. Əlizadə Firəngiz // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 110-112. — 600 nüsx. — ISBN 5-8066-1708-4.;
2. Təhmirazqızı S. Firəngiz Əlizadənin sənət dünyasına səyahət // Mədəniyyət : qəzet. — 2010. — В. 28 may. — Səh. 6. Arxivləşdirilib; arxivləşdirmə tarixi: 12 Jun 2013 - 5 Feb 2020.
3. Müxbir üzvlər : Əlizadə Firəngiz Əliağa qızı : [arx. 13.09.2021] // Azərbaycan Milli Elmlər Akademiyası 1995 - 2021. — Müraciət tarixi: 13.09.2021.

Filmoqrafiya

1. Əbədiyyət yolu (film, 1987)
2. Əlaqə (film, 1989)
3. Firəngiz Əlizadə. Lüsern-99 (film, 1999)
4. Gələcəyin qurucuları (film, 1982)
5. Həyat mübarizədir (film, 1987)
6. İlk zirvələr (film, 1988)
7. İntizar (film, 1986)
8. Səfillər (film, 1985)
9. Son söz (film, 1981)
10. Spartakiadanın startları (film, 1983)
11. Şeir mənim üçün bir kainatdır (film, 1984)
12. Hüdudsuz muğam aləmi (film, 2009)