Ferhat Sametoğlu

Ferhat Sametoğlu
az.: Səmədov Fərhad Söhrab oğlu‎
Ferhat Sametoğlu.
Doğum tarixi	14 yanvar 1972 (1972-01-14)
Doğum yeri	Bakı, Azərbaycan SSR, SSRİ
Vətəndaşlıq	SSRİ→ Azərbaycan Azərbaycan→ Türkiyə
İş yeri	Türkiyə Elmi və Texnoloji Araşdırma İdarəsinə (türk.: Türkiye Bilimsel ve Teknolojik Araştırma Kurumuna (TÜBİTAK-a)) aid Milli Metrologiya İnstitutu (Kocaeli, Türkiyə), optik fizika laboratoriyası (müdir)
Elmi dərəcəsi	fizika elmləri namizədi (1998)
Elmi adı	dosent
Təhsili	Bakı Dövlət Universiteti, fizika fakültəsi (1989–1993)

Ferhat Sametoğlu — fizika-riyaziyyat elmləri namizədi, dosent, Türkiyə Elmi və Texnoloji Araşdırma İdarəsinə (türk.: Türkiye Bilimsel ve Teknolojik Araştırma Kurumu (TÜBİTAK-a)) aid Milli Metroloji İnstitutunun (Kocaeli, Türkiyə) optik fizika laboratoriyasının müdiri.

Haqqında məlumatlar

14 yanvar 1972-ci il tarixdə Bakıda anadan olub.

Təhsili

1979 – 1989-ci illərdə Bakı şəhər 3 saylı məktəbində,

1989 – 1993-cü illərdə Bakı Dövlət Universitetinin fizika fakültəsində təhsil alıb.

Əmək fəaliyyəti

1999-cu ildə Türkiyə Elmi və Texnoloji Araşdırma İdarəsi tərəfindən Türkiyəyə dəvət olunub və Milli Metrologiya İnstitutuna aid optik laboratoriyada işə başlayıb.

Elmi fəaliyyəti

1998-ci ildə Azərbaycan Milli Elmlər Akademiyası Fotoelektronika İnstitutunda namizədlik dissertasiyasını müdafiə edib.

2011-ci ildən dosentdir.

Türkiyədə və Avropada qəbul edilən elmi layihələri var. 2018-ci ildə lazer enerjisinin ölçülməsi üzərinə nail olduğu elmi ixtirası Amerika/Yaponiya/Avropa tərəfindən qəbul edilmişdir. Elmi fəaliyyətləri dünyanın müxtəlif elmi jurnallarında nəşr olub. Bir sıra beynəlxalq elmi təşkilatlarla (The Optical Society of America (OSA), The International Society for Optical Engineering (SPIE), Consultative Committee for Photometry and Radiometry (BIPM-CCPR), Technical Committee of EUROMET Photometry and Radiometry (PHORA), Optics Committee of Turkey (ICO) və Euro-Asian Cooperation of National Metrology Institutions (COOMET)) əməkdaşlıq edir.

ISO 17025 standartına görə laboratoriya akkreditasiyası üzrə Türk Akkreditasiya İdarəsi (türk.: Türk Akreditasyon Kurumu (TÜRKAK) ) nəzarətçisidir. Azərbaycan və türk dilləri ilə yanaşı rus və ingilis dillərini də mükəmməl bilir.

Ailəsi

• Atası: Söhrab Rəsul oğlu Səmədov. Bakı Dövlət Universitetinin Fizika Fakultəsinin müəllimi olub (fizika-riyaziyyat elmləri namizədi, dosent).
• Anası: Urfan Məmmədsani qızı Məmmədova.
• Həyat yoldaşı: Nigar Sametoğlu, Türkiyədə ixrac meneceri (türk.: Aromsa Besin Aroma ve Katkı Maddeleri Sanayi Ticaret A.Ş) vəzifəsində işləyir.
• Oğlu: Alper Mehdi Sametoğlu, tələbə.
• Oğlu: Turan Sametoğlu, tələbə.

Ədəbiyyat

1. Mete Ə. Bir ailədə iki alim // O torpağın övladları. — Bakı: Nurlan, 2006. — Səhifələrin sayı:  608. — Səh.: 286. — 500 nüsx.
2. "TÜBİTAK UME Fizik Alanında ilk Uluslararası Patentlerini Aldı". http://akademisyenler.org (Türkçe). akademisyenler.org. 23 Şubat 2018. 7 Dec 2019 - 7 Feb 2020 tarixində arxivləşdirilib.
3. "Ferhat SAMETOĞLU (Head of Laboratory)". https://www.ume.tubitak.gov.tr (Türkçe). TÜBİTAK Ulusal Metroloji Enstitüsü. 13 Jan 2021 tarixində arxivləşdirilib.