Cəbrayıl Hüseynov

Cəbrayıl Hüseynov
	Hüseynov Cəbrayıl Muxtar oğlu
	Cəbrayıl Hüseynov
	Cəbrayıl Hüseynov.
Doğum tarixi	16 yanvar 1913
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	14 dekabr 1974 (61 yaşında)
Vəfat yeri	Bakı, Azərbaycan SSR, SSRİ
Vətəndaşlıq	SSRİ
Elmi dərəcəsi	aqrar elmlər doktoru
Elmi adı	professor
Təhsili	• Ağdam Kənd Təsərrüfatı Texnikumu (1927–1929) • Azərbaycan Kənd Təsərrüfatı İnstitutu, aqronomluq fakültəsi ( 1930–1934) • Azərbaycan Kənd Təsərrüfatı İnstitutu, aspirantura ( 1934–1936) • Ümumittifaq Elmi Tədqiqat Gübrələmə və Aqrotorpaqşünaslıq İnstitutu, aspirantura (1936–1939)
Üzvlüyü	Azərbaycan SSR EA, həqiqi üzv
Mükafatları	;

Cəbrayıl Hüseynov (1913–1974) — aqrar elmlər doktoru, professor, Azərbaycan SSR Elmlər Akademiyasının həqiqi üzvü, “Stalin” mükafatı laureatı, Azərbaycan SSR əməkdar elm xadimi.

Haqqında məlumatlar

16 yanvar 1913-cü il tarixdə Nuxada (indiki Şəki) anadan olub.

Təhsili

1920 – 1927-ci illərdə Nuxa şəhər 3 №-li məktəbində,

1927 – 1929-cu illərdə Ağdam Kənd Təsərrüfatı Texnikumunda,

1930 – 1934-cü illərdə Azərbaycan Kənd Təsərrüfatı İnstitutunun aqronomluq fakültəsində,

1934 – 1936-cı illərdə Azərbaycan Kənd Təsərrüfatı İnstitutunun aspiranturasında,

1936 – 1939-cu illərdə Ümumittifaq Elmi Tədqiqat Gübrələmə və Aqrotorpaqşünaslıq İnstitutunun aspiranturasında təhsil alıb.

Əmək fəaliyyəti

1934 – 1936-cı illərdə Azərbaycan Kənd Təsərrüfatı İnstitutunda assistent və Azərbaycan Elmi-Tədqiqat Pambıqçılıq İnstitutunda baş elmi işçi,

1940 – 1944-cü illərdə SSRİ Elmlər Akademiyasının Azərbaycan filialının Torpaqşünaslıq sektorunda baş elmi işçi,

1944 – 1945-cü illərdə SSRİ Elmlər Akademiyasının Azərbaycan filialının Torpaqşünaslıq və Aqrokimya bölməsində direktor vəzifəsində işləyib.

1945 – 1952-ci illərdə Azərbaycan SSR EA Torpaqşünaslıq və Aqrokimya İnstitutunun direktoru olub.

1952 – 1969-cu illərdə S.M.Kirov adına Azərbaycan Dövlət Universitetində professor vəzifəsində pedaqoji fəaliyyətlə məşğul olub.

1953 – 1954-cü illərdə Azərbaycan SSR EA Əkinçilik İnstitutunun aqrokimya laboratoriyasının,

1953 – 1954-cü illərdə Azərbaycan SSR EA Torpaqşünaslıq İnstitutunun aqrokimya şöbəsinin müdiri olub.

1963 – 1974-cü illərdə Azərbaycan SSR EA Torpaqşünaslıq və Aqrokimya İnstitutunun direktoru olub.

Elmi fəaliyyəti

1939-cu ildə aqrar elmlər namizədi,

1947-ci ildə aqrar elmlər doktoru elmi dərəcəsini,

1948-ci ildə isə professor elmi adını alıb.

1949-cu ildə Azərbaycan SSR EA-nın müxbir üzvü,

1961-ci ildə isə həqiqi üzvü seçilib.

Mineral və üzvi gübrələrin, o cümlədən, fosfor gübrəsinin istehsalı sahəsində mühüm tədqiqatları olmuşdur.

200 elmi əsərin, o cümlədən, 6 monoqrafiya və 12 müəlliflik şəhadətnaməsinin müəllifidir. 50-dən artıq elmlər namizədinin, 4 elmlər doktorunun elmi rəhbəri olub.

İctimai-siyasi fəaliyyəti

1950-ci ildə Bakı şəhər sovetinə,

1953-cü ildə VI çağırış Azərbaycan SSR Ali Sovetinə deputat seçilib.

Təltif və mükafatları

“Stalin” mükafatı (1950);
“Şərəf Nişanı” ordeni (1943, 1951);
“Qafqazın müdafiəsinə görə” medalı (1944);
“1941-1945-ci illər Böyük Vətən müharibəsində rəşadətli əməyə görə” medalı (1946);
“Azərbaycan SSR əməkdar elm xadimi” fəxri adı (1960);
digər 3 medal;
Azərbaycan SSR Ali Sovetinin Fəxri fərmanı (1963).

Vəfatı

14 dekabr 1974-cü il tarixdə – 61 yaşında, Bakıda vəfat edib.

Ədəbiyyat

Məmmədov Ə., Xalıqov F. Hüseynov Cəbrayıl // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 242-244. — 1.000 nüsx.
Hüseynov Cəbrayıl Muxtar oğlu // Azərbaycan Sovet Ensiklopediyası : [10 cilddə] = Азәрбајҹан Совет Енсиклопедијасы / baş red. C.B.Quliyev. — Bakı: Qızıl Şərq, 1987. — X cild. — Səhifələrin sayı: 610. — Səh.: 290. — 80.000 nüsx.
"Vəfat etmiş həqiqi üzvlər/Hüseynov Cəbrayıl Muxtar oğlu". http://science.gov.az/ (azərb.). Azərbaycan Milli Elmlər Akademiyası. 28 Mar 2018 – 23 Sep 2020 tarixində arxivləşdirilib.