Allahyar Əhmədov
| Allahyar Əhmədov | |
|---|---|
| Əhmədov Allahyar Ramazan oğlu | |
 | |
| Allahyar Əhmədov. |
Allahyar Əhmədov (1896–1980) — sovet dövründə Şəkidə tanınmış partiya və dövlət məmuru olmuş şəxs. Müxtəlif illərdə Şəki qəza icraiyyə komitəsi sədri, Nuxa şəhər soveti icraiyyə komitəsinin sədri, V.İ.Lenin adına ipək kombinatı partiya komitəsinin katibi və s. məsul vəzifələrdə çalışmışdır.
Haqqında məlumatlar
1896-cı ildə Nuxada (indiki Şəki), fəhlə ailəsində anadan olub.
Əmək fəaliyyəti
12 yaşından Nuxadakı ipək fabriklərində işləyib.
1923 – 1930-cu illərdə bir sıra məsul vəzifələrdə çalışıb; o cümlədən, zavod komitəsinin sədri, toxucular ittifaqının sədri, pedaqoji məktəbdə direktor müavini, xalq hakimi, prokuror köməkçisi, Şəki qəza İcraiyyə Komitəsi sədrinin müavini, sonra isə sədri olub.
1942 – 1946-cı illərdə Nuxa şəhər Soveti icraiyyə komitəsinin sədri,
Daha sonra on il V.İ.Lenin adına ipək kombinatı partiya komitəsinin katibi vəzifəsində çalışıb.
1967-ci ildən Ümumittifaq əhəmiyyətli fərdi pensiyaçı idi.
İctimai-siyasi fəallığı
1917 – 1920-ci illərdə Nuxa fəhlə tətillərinin fəal iştirakçısı və təşkilatçısı olub.
1920-ci ildən kommunist partiyasının üzvü olub.
1940-cı ildə Zəhmətkeş deputatlarının Nuxa şəhər sovetinə deputat seçilib.
4 mart 1940-cı il tarixdə keçirilmiş Azərbaycan K(b)P Nuxa şəhər komutəsinin plenumunda şəhər komutəsinin plenumun üzvüyünə namizəd seçilib.
Təltif və mükafatları
Vəfatı
10 fevral 1980-cı il tarixdə – 84 yaşında, Şəkidə vəfat edib.
Ədəbiyyat
- Zəhmətkeş deputatlarının Nuxa şəhər sovetinə seçilmiş deputatları // Nuxa fəhləsi : qəzet. — 1940. — В. yanvar. — № 1 (2763). — Səh. 2.
- Azərbaycan K (b) P Nuxa şəhər komitəsinin birinci plenumu haqqında informasiya məlumatı // Nuxa fəhləsi : qəzet. — Nuxa, 1940. — В. 6 mart. — № 52 (2814). — Səh. 1.
- A.R.Əhmədov (nekroloq) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 1980. —20 fevral c. — № 5 – 6 (1363). — Səh. 3.
- Məmmədov Ə., Xalıqov F. . . // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 185. — 1.000 nüsx.
Həmçinin, bax:
.