Asiman Quliyev

Asiman Quliyev
Quliyev Asiman Aydın oğlu
Asiman Quliyev, 2019-cu il.
Doğum tarixi	6 avqust 1956 (1956-08-06)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Azərbaycan
Elmi dərəcəsi	iqtisad elmləri namizədi
Elmi adı	dosent
Təhsili	• Dadaş Bünyatzadə adına Azərbaycan Xalq Təsərrüfatı İnstitutu (1973–1978)  • D.Bünyatzadə adına Azərbaycan Xalq Təsərrüfatı İnstitutu, aspirantura (1983–1985)
Həyat yoldaşı	Lalə Amanova
Atası	Aydın Quliyev
Elmi rəhbəri	Q.Ə.Sadıxov
Mükafatları
facebook səhifəsi

Asiman Quliyev — iqtisad elmləri namizədi, dosent, Azərbaycan Respublikasının əməkdar müəllimi, Azərbaycan Dövlət İqtisad Universitetinin iqtisadiyyat fakültəsinin dekanı.

Haqqında məlumatlar

6 avqust 1956-cı il tarixdə Nuxada (indiki Şəki) anadan olub.

Təhsili

1963 – 1973-cü illərdə Bakıda orta məktəbdə,

1973 – 1978-ci illərdə D.Bünyatzadə adına Azərbaycan Xalq Təsərrüfatı İnstitutunda,

1983 – 1985-ci illərdə isə D.Bünyatzadə adına Azərbaycan Xalq Təsərrüfatı İnstitutunun aspiranturasında təhsil alıb.

Əmək fəaliyyəti

1986 – 1992-ci illərdə D.Bünyatzadə adına Azərbaycan Xalq Təsərrüfatı İnstitutunda müəllim,

1992-ci ildə Azərbaycan Respublikasının Prezident Aparatında aqrar-sənaye şöbəsində məsləhətçi,

1992 – 1993-cü illərdə Lerik rayon İcra Hakimiyyətinin başçısı,

1994 – 1997-ci illərdə Bakı Biznes Universitetində dosent və dekan vəzifəsində çalışıb.

1997-ci ildən Azərbaycan Dövlət İqtisad Universitetində işləyir; o cümlədən,

1997-ci ildən iqtisadi nəzəriyyə kafedrasının dosenti,

2006 – 2014-cü illərdə türk dünyası işlətmə fakültəsinin dekan müavini,

2014 – 2019-cu illərdə ümumi iqtisadiyyat fakültəsinin dekanı,

2019-cu ildən isə iqtisadiyyat fakültəsinin dekanı vəzifəsini tutub.

2021 sentyabr ayından isə Azərbaycan Dövlət İqtisad Universitetin doktorantura və magistratura mərkəzidə iqtisadiyyat və idarəetmə kafedrasının dosentidir.

Elmi fəaliyyəti

1988-ci ildə namizədlik dissertasiyasını müdafiə edib.

80-dan artıq elmi əsəri, monoqrafiyası, dərsliyi və tərcümələri Azərbaycan,Türkiyə, ABŞ, Rusiya, Çex və digər ölkələrdə nəşr olunub.

Beynəlxalq konfranslarda mütəmadi olaraq iştirak edir.

İctimai-siyasi fəaliyyəti

1975 – 1977 ci illərdə D.Bunyatzadə adına Azərbaycan Xalq Təsərrüfaı İnstitutunun "Ümumi iqtisad" fakültəsinin komsomol təşkilat katibi olub.

1986 – 1989-cu illərdə D.Bünyatzadə adına Azərbaycan Xalq Təsərrüfatı İnstitutunda Tələbə Həmkarlar Komitəsinin sədri olub.

1990 – 1992- ci illərdə MİB (Müstəqil İqtisadçılar Təşkilatı) İB sədr müavini olub.

2000 – 2005-ci illərdə Azərbaycan Dövlət İqtisad Universitetinin “İqtisad elmləri: nəzəriyyə və praktika” jurnalının məhsul katibi kimi fəaliyyət göstərib.

Təltif və mükafatları

• Azərbaycan Respublikası Təhsil Nazirliyinin “Azərbaycan Respublikası qabaqcıl təhsil işçisi” döş nişanı — ADİU 80 illiyi və elmi-pedoqoji xidmətlərinə görə (2010).
• “Azərbaycan Respublikasının əməkdar müəllimi” fəxri adı — Azərbaycan Dövlət İqtisad Universitetinin 90 illiyi münasibətilə və Azərbaycanda təhsilin inkişafındakı xidmətlərinə görə (2020).

Ədəbiyyat

1. Məmmədov Ə., Xalıqov F. Quliyev Asiman // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 343. — 1.000 nüsx.
2. "İqtisadiyyat fakültəsinin dekanı i.e.n., dosent Quliyev Asiman Aydın oğlu". http://unec.edu.az/ (azərb.). Azərbaycan Dövlət İqtisad Universiteti. 12 Sep 2016 – 4 Aug 2020 tarixində arxivləşdirilib.