Ləman Kaşiyeva

Ləman Kaşiyeva
	Kaşiyeva Ləman Aydın qızı
	Ləman Kaşiyeva, 2018-ci il.
Doğum tarixi	17 aprel 1967 (57 yaş)
Doğum yeri	Bakı, Azərbaycan SSR, SSRİ
Vətəndaşlıq	SSRİ→ Azərbaycan
İş yeri	Azərbaycan Dövlət İqtisad Universiteti, Rus İqtisad Məktəbi, iqtisadiyyat kafedrası (dosent)
Elmi dərəcəsi	iqtisad elmləri namizədi
Elmi adı	dosent
Təhsili	D.Bünyatzadə adına Azərbaycan Xalq Təsərrüfatı İnstitutu (1984–1988)
Atası	Aydın Kaşiyev
facebook səhifəsi

Ləman Kaşiyeva — iqtisad elmləri namizədi, Azərbaycan Dövlət İqtisad Universiteti Rus İqtisad Məktəbinin iqtisadiyyat kafedrasının dosenti.

Haqqında məlumatlar

17 aprel 1967-ci il tarixdə Bakıda anadan olub.

Təhsili

1974 – 1984-cü illərdə Bakı şəhər 134 №-li orta məktəbdə,

1984 – 1988-ci illərdə D.Bünyatzadə adına Azərbaycan Xalq Təsərrüfatı İnstitutunda təhsil alıb.

Əmək fəaliyyəti

1988 – 1991-ci illərdə Memarlıq və Tikinti Elmi-Tədqiqat İnstitutunda iqtisadçı,

1991-2001-ci illərdə Bakı Yerli Sənaye Texnoloji Texnikumunda müəllim vəzifəsində çalışıb.

2001-ci ildən Azərbaycan Dövlət İqtisad Universitetində işləyir; o cümlədən,

2001 – 2002-ci illərdə biznesin təşkili kafedrasında müəllim,

2002 – 2013-cü illərdə baş müəllim,

2013 – 2017-ci illərdə dosent vəzifəsində çalışmış,

2017-ci ildən isə Rus İqtisad Məktəbinin iqtisadiyyat kafedrasının dosenti olmuşdur.

Elmi fəaliyyəti

2006-cı ildə “Azərbaycan Biznesin inkişafında Böyük İpək Yolunun rolu” mövzusunda namizədlik dissertasiyasını müdafiə edib.

Milli iqtisadiyyatın aktual problemlərinə aid 50-ə qədər elmi əsərin, o cümlədən 5 kitab, dərslik və dərs vəsaitinin, tədris proqramların müəllifidir. Məqalələri həm respublika daxilində, həm də xaricdə dərc olunub.

Ailəsi

Ailəlidir, bir övladı var.

Ədəbiyyat

"i.e.n., dosent Kaşıyeva Ləman Aydın". unec.edu.az (azərb.). unec.edu.az. 12 Sep 2016 – 21 Jan 2020 tarixində arxivləşdirilib.