Nadir Ələkbərov

Nadir Ələkbərov
Ələkbərov Nadir Əlihüseyn oğlu
Nadir Ələkbərov.
Doğum tarixi	5 noyabr 1940(1940-11-05)
Doğum yeri	Nuxa (indiki Şəki), Azərbaycan SSR, SSRİ
Vəfat tarixi	5 fevral 2018 (77 yaşında)
Vətəndaşlıq	SSRİ→ Azərbaycan
Elmi dərəcəsi	kimya elmləri namizədi
Elmi adı	dosent

Nadir Ələkbərov (1940–2018) — kimya elmləri namizədi, dosent, AMEA Polimer Materialları İnstitutunun polimer qarışıqları laboratoriyasının müdiri.

Haqqında məlumatlar

5 noyabr 1940-cı il tarixdə Nuxada (indiki Şəki) anadan olub.

Elmi fəaliyyəti

“5,5-dialkoksitetraxlortsiklopentadienlərin sis- və trans-4-tsikloheksen-1,2-dikarbon turşuları ilə kondesləşməsi reaksiyasının stereokimyası və alınmış adduktların bəzi çevrilmələri” mövzusunda namizədlik dissertasiyası müdafiə edib.

13-ü xaricdə olmaqla çapdan çıxmış 82 elmi əsərin müəllifidir. Müəlliflik şəhadətnamələrinin və patentlərin sayı 20-dir.

Bir elmlər namizədinin elmi rəhbəri olub.

Əmək fəaliyyəti

Sumqayıtda AMEA Polimer Materialları İnstitutunun polimer qarışıqları laboratoriyasının müdiri vəzifəsində çalışıb.

Vəfatı

5 fevral 2018-ci il tarixdə – 77 yaşında, vəfat edib.

Ədəbiyyat

1. Polimer Materialları İnstitutunun fəlsəfə doktorları : Ələkbərov Nadir Əlihüseyn oğlu : [arx. 07.10.2021] // Azərbaycan Milli Elmlər Akademiyası. — Müraciət tarixi: 07.10.2021.