Qorxmaz Bəkirov

Qorxmaz Bəkirov
	Bəkirov Qorxmaz Mürsəl oğlu
	Qorxmaz Bəkirov
	Qorxmaz Bəkirov, 1990-cı il.
Anadan olub	25 noyabr 1940
Anadan olduğu yer	Nuxa (indiki Şəki), Azərbaycan SSR, SSRİ
Vəfat edib	2 dekabr 1998 (58 yaşında)
Vəfat etdiyi yer	Şəki, Azərbaycan
Uşağı	Bəkirov Əflatun (1974–2022)
Vətəndaşlıq	SSRİ→ Azərbaycan
Təhsili	• Bakı Energetika Texnikumu • Çingiz İldırım adına Azərbaycan Politexnik İnstitutu

Qorxmaz Bəkirov (1940–1998) — sovet dövrünün son onilliklərində Şəkidə tanınmış nəqliyyat işçisi və rəhbər kadr olmuş şəxs. Şəki 2717 nömrəli avtomobil dəstəsinin rəisi, Şəki Şəhər Soveti sədrinin müavini və s. vəzifələrdə çalışmışdır.

Haqqında məlumatlar

25 noyabr 1940-cı il tarixdə Nuxada (indiki Şəki) anadan olub.

Təhsili

Yeddiillik təhsildən sonra əvvəl Bakı Energetika Texnikumunda, daha sonra isə Çingiz İldırım adına Azərbaycan Politexnik İnstitutunda təhsil alıb.

Əmək fəaliyyəti

1967-ci ildə Zaqqtala rayon rabitə qovşağında texnik vəzifəsində əmək fəaliyyətinə başlayıb. Sonra Şəki 6 nömrəli istismar rabitə qovşağında əvvəl mühəndis, daha sonra sahə rəisi vəzifələrində çalışıb.

1972-ci ildən “Azərkəndtexnika” birliyi Şəki şöbəsi müdirinin müavini,

1978 – 1991-ci illərdə Şəki 2717 nömrəli avtomobil dəstəsinin rəisi,

1991-ci ildə 5 ay Şəki Şəhər Soveti sədrinin müavini vəzifəsində çalışıb.

İctimai-siyasi aktivliyi

1970-ci ildən Sov.İKP-nin üzvü olub.

1990-cı ildə Şəki Şəhər Sovetinə deputat seçilib.

1990-cı ildə 130 nömrəli Şəki ikinci şəhər seçki dairəsindən Azərbaycan SSR xalq deputatlığına namizəd göstərilmiş, lakin seçilməmişdir^{[qeyd 1]}.

Pedaqoji fəaliyyəti

1977 – 1978-ci illərdə Şəki şəhər 1 №-li orta məktəbində elektrotexnika fənnindən dərs deyib.

Vəfatı

2 dekabr 1998-ci il tarixdə – 58 yaşında, Şəkidə vəfat edib.

Qeydlər

↑ 130 nömrəli Şəki ikinci şəhər seçki dairəsində bir deputat yerinə üç namizəd səsə qoyulmuş və onlardan heç biri seçilməmişdir. Dairə seçki komissiyası dairədə daha çox – 40,5 faiz səs toplamış Şəki İstehsal İpək Birliyinin baş direktoru Çingiz Yunus oğlu Əfəndiyev və 21,1 faiz səs toplamış Şəki şəhər 17 nömrəli məktəbin müəllimi Paşa Şaban oğlu Paşayev üzrə 1990-cı il oktyabrın 14-də təkrar səsvermə keçirmək haqqında qərar qəbul etmişdir. Təkrar səsvermədə Çingiz Əfəndiyev Azərbaycan SSR xalq deputatı seçilmişdir.

Ədəbiyyat

Qorxmaz Mürsəl oğlu Bəkirov (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 22 sentyabr 1990. — № 25–26 (1959–1960). — Səh. 2.

[Q1-1] 130 nömrəli Şəki ikinci şəhər seçki dairəsində bir deputat yerinə üç namizəd səsə qoyulmuş və onlardan heç biri seçilməmişdir. Dairə seçki komissiyası dairədə daha çox – 40,5 faiz səs toplamış Şəki İstehsal İpək Birliyinin baş direktoru Çingiz Yunus oğlu Əfəndiyev və 21,1 faiz səs toplamış Şəki şəhər 17 nömrəli məktəbin müəllimi Paşa Şaban oğlu Paşayev üzrə 1990-cı il oktyabrın 14-də təkrar səsvermə keçirmək haqqında qərar qəbul etmişdir. Təkrar səsvermədə Çingiz Əfəndiyev Azərbaycan SSR xalq deputatı seçilmişdir.

[qeyd 1]