Nazim Mustafayev

Nazim Mustafayev
Mustafayev Nazim Pirməmməd oğlu
Nazim Mustafayev.
Doğum tarixi	9 aprel 1941 (1941-04-09)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Azərbaycan
İş yeri	AMEA Aşqarlar Kimyası İnstitutu, Transmissiya və sənaye yağları üçün aşqar və aşqar kompozisiyaları laboratoriyasının müdiri
Elmi dərəcəsi	kimya elmləri doktoru
Elmi adı	professor
Mükafatları

Nazim Mustafayev — kimya elmləri doktoru, professor, AMEA akademik Ə.M.Quliyev adına Aşqarlar Kimyası İnstitutunun Transmissiya və sənaye yağları üçün aşqar və aşqar kompozisiyaları laboratoriyasının müdiri.

Haqqında məlumatlar

9 aprel 1941-сi il tarixdə Nuxada (indiki Şəki) anadan olub.

Təhsili

1948 – 1958-ci illərdə Nuxa şəhər 10 №-li orta məktəbində,

1958 – 1963-cü illərdə S.M.Kirov adına Azərbaycan Dövlət Universitetinin kimya fakültəsində,

1963 – 1966-ci illərdə isə S.M.Kirov adına Azərbaycan Dövlət Universitetinin aspiranturasında təhsil alıb.

Əmək fəaliyyəti

1966-cı ildə Azərbaycan SSR EA Aşqarlar Kimyası İnstitutunun Transmissiya yağları üçün aşqarlar laboratoriyasında işləməyə başlayıb; əvvəl kiçik elmi işçi, sonra böyük mühəndis, daha sonra kiçik elmi işçi və nəhayət böyük elmi işçi vəzifələrində çalışmış, 1983-cü ildən isə laboratoriyanın müdiri olmuşdur.

Elmi fəaliyyəti

1968-ci ildə “Ksantogenatlar, tiollar və arilxlorfosfitlər əsasında kükürd və fosforsaxlayan birləşmələrin sintezi və sürtkü yağlarına aşqar kimi tədqiqi” mövzusu üzrə namizədlik,

1991-ci ildə isə “Tiokarbon turşuları törəmələri əsasında sürtkü yağlarına effektli yeyilmə və siyirilməyə qarşı aşqarların işlənilməsinin elmi əsasları” mövzusunda doktorluq dissertasiyalarını müdafiə edib.

1992-ci ildə professor elmi adını alıb.

208 elmi əsərin, o cümlədən 100 müəlliflik şəhadətnaməsi və patentin müəllifidir. Əsərlərindən 90-nı çap olunmuşdur. 18 elmi əsəri isə beynəlxalq bazalarda referatlaşdırılan və indeksləşdirilən jurnallarda nəşr olunub.

Təltif və mükafatlar

• Vladimir İliç Leninin anadan olmasının 100 illiyi ilə əlaqədar yubiley medalı (1970);
• “Əmək veteranı” medalı (1987);
• Türkiyə Firat Unuversitetinin “Xatirə” medalı (1991);
• AMEA Rəyasət Heyətinin Fəxri fərmanları (2001, 2006, 2011).

Mənbələr

1. Aşqarlar Kimyası İnstitutunun elmlər doktorları : Mustafayev Nazim Pirməmməd oğlu : [arx. =16 Jan 2017 - 20 Sep 2020] // Azərbaycan Milli Elmlər Akademiyası. — Müraciət tarixi: 09.04.2023.
2. Məmmədov Ə., Xalıqov F. Mustafayev Nazim // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 434-435. — 1.000 nüsx.